الطفوله…
أحلى مافي هالحياة
مرحله من غير هم
كنـّا دايم نبتسم
كنـّا حتى لو بكينا … وجارت الدنيا علينا
بعد لحظـات وثواني
بسمه فينا ترتســم
..
كنـّا نركض
خلف كوره … ( لا لا أنا ماكنت معهم !! )
وحدي بس بعيد عنهم … كنت أنا أضحك عليهم
جالس لحالي أهذري … جالس أحسب كم ( كوبري )
صلـّحه ( أحمد ) في ( ماجد ) ؟؟
والله واجد!!
…
وقبل ما يحل الظلام
للبيوت نروح نجري … ( لا لا أنا ماكنت معهم ! )
أمشي وحدي بعيد عنهم … أمشي وأعدد أثرهم !
وهم عني يبعدون
يبعدون … يبعدون
إلا ( ماجد ) !!
كان مثلي حيل ضايق …
بس حزنـي كــان حارق
كان يسألني ببراءه : …
ليش تعرج ؟ … قلت مادري ! … باستياء
ليش تبكي ؟ قلت مابكي … بكبرياء
ضاق مني …
ثم سألني في غباء …
قال ( وثرايك تـثــابق )؟؟
وراح عنــّــي … !!
….
كنت أسأل دوم نفسي …
ليش ما أركض معاهم ؟!!
ليش دوم أمشي وراهم ؟!!
وش بلاي ؟!! … أو وش بلاهم ؟!!
ليه أنا غير الأنام ؟!!
زاحمتني الأسئله…
كل شيٍ أجهله ؟
وإن تعبت من الإجـــابه…
أحظن الحيـــره وأنام .
…..
مرّت سنين وكبرت …
صار همّي اليوم أكبر
حتى دمعي صار أكثر
للأسف توي قدرت …
أفهم إني شخص ( عاجز ) !!
يعني بيني وبينكم
مليون حاجـــز !!!
صدقوني ذي حقيقه …
لا طلعت السوق … كل ما أمشي دقيقه
القى كل شوي أبله !!
يمشي ويناظر صديقه …
ويغمز له
يقول : ناظر …!!
وش يناظر ؟!!
وتتفجّــر في خفوقي
ألف ضيقه
ووحده في وسط الزحام ….
طالعتني باهتمام …
بنت في عمر الزهور … أي رشاقه … وأي أناقه …
وأي عطـــور !!
قلت في نفسي ياهووووه
هي تناظرني بغرام ؟!! … أو هي نظره والسلام ؟!!
الموضوع الأصلى من هنا: http://bayt.el-emarat.com/#89632#post1394076
بس أكيد إنها تعرفني … شايفتني ؟
شايفتني في جريده ؟
واعجبتها لي قصيده ؟
إيييييه أنا توي افتكرت
….
لي قصيده …
كنت ناشر معها صوره
بس صوره … ياسلااااا م
وفاجأتني …
لمـّا صارت لي قريبه … كانت تـمـتم بطيبه
(يكسر الخاطــر حـــرااااام ) !!!!!
وتركت دمعه غريبة …
وضاعت بوسط الزحــام
دمعه كانت تحكي وضعي … زلزلتني
ارتطم قلبي بضلعي … دمرتني
صدقوني …
أصعب اللحظــات وأقسى
لاغدا الرجـّــــال يكسر … خاطر انثى
كيف ينسى ؟؟؟
جاوبوني !!
…
وزاد همّــي …
يوم فكــّـرت بوظيفه … ثم زواج
أي وظيفه … وأي زواج ؟؟
اللــي مثـلي …
مهما طالب … لويلف ولو يدور
زين لو حطـــّــوه كــاتب
لا … وعلى بنــد الأجـــــــور ….
ماهو رسمي !!!
….
صدقوني لو تدرّج … وصار راتبه ايتصاعد
وابتــدا وضعه يزين
ما أظنه بيتزوّج … حتى لو بعد التقاعد !!
…..
وفي النهــايه …
يابلــدنا… مهما كانت ( تسميتـنا )
عاجزين … ( معوّقين )
لك عهدنا … وذا قسمنا :
أقسم بالله العظيم … منزل الذكر الحكيم
أن أصونــك يابلادي … من شرور العابثين
من مطامع كل حاسد … من نوايا كل فاســد
وإني لك حصنٍ حصين
إنتي ناديني وشوفي … لا نويتي بالجهــاد
والله أقهر لك ظروفي … دامك إنتي لي بــــلاد
وباسم كل العاجزين …
دام فينا أصبع يطول الزنـــاد
لا يهمــّـك يابلادي …
وازهليهــا……
لاغدا الرجـّــــال يكسر … خاطر انثى
كيف ينسى ؟؟؟ )
..
ديمه يعطيك العافيـه غلآي
عندهـ كبرياء ودافع قوي وكرامـه أفضل من 100 وآحد بــ صحه وبعافيه
قلبو ثاانكس ..
أمشي وحدي بعيد عنهم … أمشي وأعدد أثرهم !
وهم عني يبعدون
يبعدون … يبعدون
إلا ( ماجد ) !!
كان مثلي حيل ضايق …
بس حزنـي كــان حارق
كان يسألني ببراءه : …
ليش تعرج ؟ … قلت مادري ! … باستياء
ليش تبكي ؟ قلت مابكي … بكبرياء
ضاق مني …
ثم سألني في غباء …
قال ( وثرايك تـثــابق )؟؟
وراح عنــّــي … !!
..
كلمات مؤثرة .. ورائعة بنفس الوقت ..
قرأتها عدّة مرات .. ولم املّ قراءتها في كل مرة ..
اصفق اعجاباً لهذا الكاتب المتمكن ..
والقادر على صياغة مشاعره بهذا التأثير ..
وهذا العمق ..
..
الف شكر ديمة لذائقتكِ المميزة .. وحسكِ الراقي
ورودي ومترف التقدير ..,,
** اجمل اقداري***
ردكي الذي انار صفحتي……