لاشفت ناس باللقا يمدحونك .. اعرف ترى هرج القفا ما يسليك
من يمدحك قدام عينك يخونك .. ومن يمدحك بقفاك بالقلب شاريك
احرص ع اللي ضاق صدره بدونك .. واترك صديق ٍ بالسعه دوم باغيك
بعض الصداقه للمصالح يبونك .. واليا اخذ المطلوب قل وش يبي فيك
عليك في ربع السعد ينفعونك .. لو واحد ٍ منهم عن الناس يغنيك
لاصحت ضايق كل ابوهم يا عونك .. ولا غبت عنهم ارسلو من يناديك
يرتاح لاشاف الفرح في عيونك ..ويضيق لا شاف الحزن في حكاويك
احدٍ على سر الصداقه يصونك… واحد ٍ على سد الصداقه حكى فيك
ربع الرخا لاضقت صعبه يجونك .. وربع الشدايد واحد بس يكفيك
,,,
,
راقت لي جداً جداً ..~
ابي اختار منها بعض الأبيات لقيت ان القصيده كلها تستاهل
لاهنتي ام صوفيا علي الاختيار الجميل جدا جدا جدا
لك تحيتي << حقت الايام الله يذكرها بالخير
ربع الرخا لاضقت صعبه يجونك .. وربع الشدايد واحد بس يكفيك
لا هنتي على النقل كلك ذوق
قصيده راقيه جداا ومعانيها وافيه
دمتي بخير
|
المشاركة الأصلية كتبت بواسطة نهار
عز الله انها ابيات
ابي اختار منها بعض الأبيات لقيت ان القصيده كلها تستاهل لاهنتي ام صوفيا علي الاختيار الجميل جدا جدا جدا لك تحيتي << حقت الايام الله يذكرها بالخير |
هي فعلاً من اجمل ماقرأت لاهان شاعرها وصح لسانه وعلا شانه ..~
نهار << آند يو تو
|
المشاركة الأصلية كتبت بواسطة شــوق الــنـــداوي
:
ربع الرخا لاضقت صعبه يجونك .. وربع الشدايد واحد بس يكفيك لا هنتي على النقل كلك ذوق قصيده راقيه جداا ومعانيها وافيه دمتي بخير |
هي فعلا كذلك وصح لسان شاعرها 🙂
منورة غناتي 🙂