إذا المراجـل لبسـة شمـاغ وعقـال
قـل للـعـذارى يلبـسـنّ العمـايـم
ما عاد يفـرق زول حرمـه ورجـال
دام الفعايـل تشبـه البعـض دايــم
المرجلـه مـا هيـب كلمـه وتنقـال
وتروح ما راحـت هبـوب النسايـم
وإلا خشونة صوت أو رفـع الأثقـال
أو رزة صـدور وفـعـل الـزلايـم
ولا هي بعد مفتـاح موتـر وجـوال
وإلا ردى لسـانٍ حديـثـه شتـايـم
المرجله شيمـه عـن القيـل والقـال
رفيـع نفـسٍ حـر بالجـو حـايـم
المرجلـه عقـلٍ وزن وزنـه جبـال
ودون العقـل وش فرقنـا والبهـايـم
يا مسندي لو مايل الوقـت بـي مـال
يا ولـد أبويـه يـا عظيـم العزايـم
يا معرب الجدين مـن العـم والخـال
يا نخـوة المفـزوع وقـت الهزايـم
الموضوع الأصلى من هنا: http://bayt.el-emarat.com/#52921#post699633
المرجله يا خوي هـي طولـة البـال
هي العـزم هـي الصبـر فالظلايـم
فيهـا الكـرم عـزه دلـه وفنـجـال
فيها الكرامه عن ردى الطبـع شايـم
والدين لامنـه خـذا القلـب منـزال
مشى طريـق الحـق وابليـس نايـم
ومن لا عرف ربه في طيـب الحـال
لابـد وقـت الضيـق بالهـم هـايـم
حتى صلاتك مع جماعـات ورجـال
في خيرها يـا خـوي نعـم الغنايـم
ولامن نصف ليلك قـم صفـي البـال
يا عظم أجـرك بيـن ساجـد وقايـم
ولا من رفع ربي لـه كـل الأعمـال
حسن الذكـر لا قالـو فـلان صايـم
وخلك شريف القصد يا طيـب الفـال
سـوء المقاصـد فالبيـوت الهـدايـم
واحذر تبيع النفس فـي دب الأنـذال
وتتبـع خـوي إبليـس راع النمايـم
النفـس خيـل لـك إذا كنـت خيّـال
ومن لا قـوى نفسـه قوتـه الهزايـم
ولا صرت ما تدري لو يش أنت رجال
والله خسـارة فيـك ذبـح التمـايـم
اعجبني فنـــثرته
هاهنـــــــا
/
عذوبه
المرجله شيمـه عـن القيـل والقـال
رفيـع نفـسٍ حـر بالجـو حـايـم
المرجلـه عقـلٍ وزن وزنـه جبـال
ودون العقـل وش فرقنـا والبهـايـم
تسلم يدينك اختي … على هالنقل ..والأنتقاء الرااائع
نقوه ماعقبها نقوه
يعافيك ربي اختي وشاكرلك حيل على نثر حروف هالقصيدهـ
ونقلها لنا
تقبلي بكل الاخوه تحياتي
الله يسلمك ياارب
شاكره لك المروور العذب
ومن لا قـوى نفسـه قوتـه الهزايـم
ولا صرت ما تدري لو يش أنت رجال
والله خسـارة فيـك ذبـح التمـايـم
عذوبة
صح لسان قائلها ولاهان ناقلها
قصيدة رائعة تصف الرجال حقااا
تحيتي لكـــــــــ
صح بدنك
ولاهنت اخووي
شاكره لك المروور العذب