ومن قبل ما ابدا في حروف الكتابه
ابيـك يالجاهـل تشـوف وتعلـم
وتشوف من جرحه عطيب صوابه
وتشوف من روحه وقلبـه تالـم
وتشوف من عاش الهوى واكتوابه
*** *** ***
من قبل ماصب فنجالـي مـن الدلـه
واسوق فنجالهـا واشكـر مسويهـا
واخذ بعرقوبها واسحـب مـن الملـه
واخلي الجمـر مـن حـره يصاليهـا
ومن قبل ما اعاتب المخطي على الزله
ومن قبل ما انشده ليش انه يسويهـا
ومن قبل هـذا وهـذا داخلـي علـه
العلـه اللـي تتـوه مـن يداويـهـا
اسبابهـا قلبـي اللـي فاقـد خـلـه
والقلب يشكي من الفرقـا وطاريهـا
يوم ابتعد مـن ملـك قلبـي ويحتلـه
وابعد عن الدار واللـي ساكـن فيهـا
حسيت بالمـوت والحقـران والذلـه
وحسيـت بالحـزن وادور واناديهـا
واسير من غير قلب وعقـل مختلـه
واصبحت تايه ولا اخذها ولا اعطيهـا
قلبي عشق زولها واصبح كمـا ظلـه
لـو خلتـه حالـف انـه مايخليهـا
قالـت وداع وسـلام الله وامـان الله
واقفت واناعيني من الحـزن تبكيهـا
قفت وانا خـدي مـن الدمـع مبتلـه
والحزن خيم على نفسـي وغاشيهـا
قالت انـا راحلـه والطيـر اذن لـه
وتراعي ظروفه اللي عايشـه فيهـا
الطيـر اللي يزيـد البعـد فـي غلـه
ظروفـه القاسـيـه لازم تراعيـهـا
تقول هـذا القـدر ياطيـــر وفطـنلـه
الاقـدار محـد يعارضهـا ويثنيـهـا
مالك يكون الصبر والفرض قم صلـه
واطلب من الله عسى نفسـك يقويهـا
قلت العفو يابعد عمري ويامـن لـه
انا عشقت وليالـي الحـب ساريهـا
ابقى على ذكر حب القلـب وحلملـه
واحلـم بعـد مافقـدت انـي الاقيهـا
هذا وانا عارف ان الموت فـي حلـه
واحـدث النفـس بالشوفـه وامنيهـا
قضيـت معهـا ليالـي كلهـا فلـه
غير البلا مـا لحقنـا يكـون تاليهـا
مادامـت افراحنـا بطـراف منشلـه
حـرام الاحـزان تسرقهـا وتخفيهـا
لاتامن الوقت ليـش الوقـت تامنلـه
الوقـت لـو تامنـه نـاره تقاسيهـا
الوقت فرق الاحبـه واحـرق الحلـه
وكواني الوقت مـن نـاره وسانيهـا
لاحق علي الحطب دقـه مـع جلـه
الموضوع الأصلى من هنا: منتدى الخليج http://bayt.el-emarat.com/#54352#post730275
واحرق حبال الرجا وانهـا حراويهـا
حتى طريـق الرجـا ماعـاد ندلـه
واخطيـت درب يودينـي لا اهاليهـا
والمفرق اللـي يـودي بيتـه ازلـه
من كثر ما ابكيه دمع العيـن يعميهـا
ومن بعد ماكانت اعيونـي تناظرلـه
راحت وقفـت وانـا مانـي بناسيهـا
يوم انتهى الوقت كـن بخافقـي تلـه
اقفت وانا دمعتـي بالعيـن تسقيهـا
اقفـا وانـا اجـر بالونـات شفقلـه
تمشي ونـا خافقـي معهـا يباريهـا
اتخيـل انهـا تكلمـنـي وهــي لله
ماهـي بحولـي بعيـداتِ اراضيهـا
دمعي من العين لجـل الغالـي اهلـه
أي والله ابكي واصيح وليش ما ابكيها
هي غايتي هي بعد عمري وهي كلـه
هي دنيتـي والحيـاه وكـل مافيهـا
هي عالمي والرجـا وايامـي افدلـه
هي منيتي وغايتـي والعمـر يفديهـا
ابقى على عهدهـا والقلـب راجلـه
ماخون عهدي لها وامـوت مغليهـا
واكتب بها الشعر واغني بهـا الشلـه
وانظم احلى القصايـد لـه واغنيهـا
وابقى على ذكراهـا هلـه ورا هلـه
لو ينقضي العمر كله خاطـري فيهـا
ياواصلـه بلغـه بوصاتـي و قـلـه
وقلـه تـرا ذكرياتـه نحتفـظ فيهـا
والله منسـى هـواهـا واتجاهـلـه
ياكيف انا انسى ملامحهـا ومافيهـا
ياكيف انا انسى وانا اللي فاقـد دلـه
لوهي بعيده فهـي عنـدي واحاكيهـا
تعيش في داخلي والقلـب خـال لـه
مايسكنـه غيـرهـا والله معطيـهـا
هي لي كما الغمد وانا له كما السلـه
السلـه بـدون غمـد يمـل قانيهـا
ماعاد لي طاقة فـي حملـي اشلـه
النفس تشكي الحزن والهـم طاويهـا
تقـول ماعنـدي الا الحـزن فاضلـه
وابليس لاما استلـم للنفـس يغويهـا
لو تنزل من السماء واموت ماصلـه
هذي حقيقـه وعيـب انـي اداريهـا
__________________
وتسلم يمناك على الكلمات الروعه
وماقصرت ياغالي
النفس تشكي الحزن والهـم طاويهـا
تقـول ماعنـدي الا الحـزن فاضلـه
وابليس لاما استلـم للنفـس يغويهـا
لو تنزل من السماء واموت ماصلـه
هذي حقيقـه وعيـب انـي اداريهـا
__________________
صح لسانك اخي القدير تحياتي
قصيدة رائعة وبديعة
سلمت يمناك التي صاغت هذه الابيات
فأحسنت التصوير والنظم
دمت بتألق وابداع
ودي وتقديري