فقط, أحببت أن أشارككم بها…
صارت مشكلة بين زوجة وزوجها.. وما قدرت تحلها فقررت تتطلع من بيتها مع عيالها يعني المدام (حردانة), ولان امها وابوها متوفيين.. وين راحت؟؟؟
راحت عند اخوها (الخليص)..
(1)
و.. شافت زوجة أخوها,,,
يا مسعدة جاتش حماتش = تريد العطايا من بيت أخوها
راحت الزوجة وقالت للأخو أختك عند الباب ويات مع عيالها شاقول لها؟؟
وهذا كان رد الأخو.. (يا مال الضعفة) >8
عصاتش طويلة كرفعيها = وبيرش غزير وطمسيها
وسمادش رفيعة وادفنيها = وميدش عليّ يا مسعدة لي قلت لش لا
خذت روحها الفقيرة.. وراحت وين؟
راحت لعند يدها (ابو الوالد)
تقول,,
حملت الحمل ورحت للجد = من شافني الكل ضل مهتد
وش جاب بنت الولد للجد = لا انا ولي ولا انا ملزم
اكسرت خاطري الفقيرة k14
شتسوي وااعليا.. خذت بعضها وراحت ليدها (ابو الأم)
تقول،،
حملت الحمل ورحت للعود = من شافني الكل ضل مهدود
وش جاب بنت البنت للعود = لا انا ولي ولا انا ملزم
خذت عيالها,, وقالت بجرب العم…
تقول,,
حملت الحمل ورحت للعم = من شافني الكل ضل مهتم
وش جاب بنت الأخو للعم = لا انا ولي ولا انا ملزم
ويقولون العم ولي <<<< هني العم (طل)
والحين وين راحت؟؟ عفية يا شطار اكيد للخال…
تقول,,
حملت الحمل ورحت للخال = من شافني الكل ضل محتار
وش جاب بنت الأخت للخال = لا أنا ولي ولا أنا ملزم
واااعليااااااا.. لا الحين عن جد بصيح k14k14k14
ضلت المسكينة حايرة, الابواب كلها مقفلة ابويها امممم…
فكرت وقالت لازم اروح لأخوي (المب خليص) , (من الأبو بس)
راحت اطق عليه باب بيته…
فتح لها بابه, تبجبجت وقالت:
الموضوع الأصلى من هنا: http://bayt.el-emarat.com/#21894#post210219
اخوي ويا ولد الدعية = عساك حنون اعلى الوخية
قاليها:
أنا اخوش وانا خال بزرش = وانا القنطرة وميلي عليه
اييييييييه وأخيرا kK،4
لا والمسكين بعد اتسب امه وهو فاتح لها باب بيته…
ان شاء الله تعجبكم حزاية أمي…
مع كل الحب,,,
زهرة البنفسج
تسلمين على هذه الاحزايه
لج الف شكر خيتي
لج الف تحيه
.
.
يخلي لج كل غالي على قلبج…
.
.
الله يسلمج حبيبتي,,,
العفووووووووو…
.
.
تحياتي…
زهرة البنفسج
يعطيك الف عافيه على ها الاحزايه ومشكوره لتشريفك
زهره مدام طليتي علينا عاد حنا طماعين منكتفي بس بحزايه نبي منك لغز كذا على كيفك
بنتظارك زهره البنفسج
<<< بينطر زهره تحط لغز واذا محطت خلال يومين بيصدر في حقها امر اعتقال ظبط واحضار لمنتدى التراث سمعتي زهوووووره
سلاماتي وتحياتي وتشكراتي
(( نهار ))
والله ورطـــــــة!!
من وين اييب لغز انا؟!!
بس يللا.. ما عليه..
اللي يسأل ما يتوه…
.
.
الحمد لله ان عجبتك الحزاية…
.
.
عاد عطني مهلة (ok)
.
.
تحياتي…
زهرة البنفسج