اول شي السلام عليكم ورحمه الله وبركاته
اول مره احط موضوع هني لا تفشلوني .. انا تخصصي موبايل مادري شمدخلني المطبخ
بس لعيون نادنودا ادش المطبخ
طبختلكم معكرونيه تاكلون اصابعكم وراها ….
طبعا هذي المره الخامسه وزين اضبطت وياي عقب الزف والتفلع بالمطبخ
<<<< ومبسوطه ياختي
الموضوع الأصلى من هنا: http://bayt.el-emarat.com/#52720#post695584
طبعا هذا انجاز لي اني ادش المطبخ واسوي معكرونيه لوووووووووووووول
<<< بلا هذره زايده وقولي المقادير
يالله اقولكم شنو المقادير …
المقادير:
———
جيس معكرونه >>انا استخدمت فيونكات
علبة كريمه حمراء
علبة مشروم مقطع
3 ملاعق كبار جبن كرافت
مكعب ماجي
ملح وفلفل اسود
شوية بصل مفروم ناعم
جبن موزريلا
الطريقه:
———
تحمسين البصل لما يصير اشقر وتحطين عليه المشروم وتحمسينه وياه
تحطين عليهم مكعب الماجي والفلفل الاسود والملح وتحمسينهم
تحطين الكريمه والجبن وتخليه يطبخ 5 دقايق
تخلطين المعكرونه المفيوحه مع خلطة المشروم والكريمه
اتيبين البايركس ( صحن بايركس )
تصفين نص مقدار المعكرونه وتحطين جبن موزريلا
وتحطين النص الثاني وتغطينه بجبن الموزريلا
تدخلينها الفرن علشان تسيح الجبنه
وهذي الصوره …
بس ملاحظه الصوره هذي قبل لا ادخلها الفرن
وبالعافيه
مطرح مايسري يمري
والي تسويها تقولنا شلونها
<<< ميته من الخرعه
هههههههههههههههههههههههه
تسلمى يا قمر
شكلها روووعة بجد
ننتظر جديدك دائما
تسلم ايديكِ
و نشوفك بالمطبخ كمااان و كماان ان شاءالله
لوووووووووووووووووول
شرفني مرورج حبيبتي …