طريقة تحضير تارت بوديج بالشيكولاتة و الكاكاو 2024.

بيضتين مخلوطة شوي بس

١/٣ كوب كريمة ( قشطة خفق ) يفضل من النوع اللي موب طويل الأجل .

١/٤ كوب سكر

ملعقة شاهي ملح

ملعقة كبيرة فانيلا سائلة

………………………… ………..

١ـ أستخدمي نفس صينية التشيزكيك ولكن الحجم الصغير ، لو أستخدمتي الحجم الكبير بيجيك الحلى زي الصورة اللي أنا حاطها بس إذا تبغين أحسن و أطعم أستخدمي صينية صغيرة .

٢ـ سخني الفرن إلى ٣٥٠ فهرنهايت أو ١٧٦ مئوي .

٣ـ أطحني الأوريو مع الزبدة السايحة و غطي القاعدة بطبقة خفيفة جدا من البسكوت و غطي حوالي ٢ سم من الأطراف . وبعدين حطيها في الفرن حوالي ١٠ دقايق . وبعدين خليها تبرد برا الفرن عبال ما تسوين الحشوة .
الموضوع الأصلى من هنا: http://bayt.el-emarat.com/#186674#post2017229

٤ـ في قدر صغير حطي شوي موية يعني حوالي ٣ سم وخليها تغلي غلية جدااااا خفيفة وبعدين حطي فوق القدر صحن قزاز أو حديد بشرط إن المويه ما تلمس الصحن من تحت . وحطي في الصحن اللي فوق الشكولاته و الزبدة عشان تذوبينهم .وحركي بإستمرار إلين تذوب . بعدين شيلي الصحن اللي فوق اللي ذووبتي عليه الشكولاته وخليه يبرد برا الثلاجة ٥ دقايق .

ملاحظة : هذي هي الطريقة الصحيحة لتذويب الشكولاته ولكن تأكدي إنك ما تستخدمين بلاستك …. وتأكدي إن المويه ما تلمس الصحن عشان ما تحرق الشكولاته .

٥ـ أخلطي باقي المقادير باليد موب بالخلاط يعني وبعدين أضيفي الشكولاته عليها . وأخلطي زييين .

٦ـ صبي الخلطه في صينية التشيزكيك و بعدين أضربي الصينية على الطاولة ضربات خفيفة عشان تطلعين الهوا . بعدين حطيها في الفرن حوالي ٢٠ إلى ٢٥ دقيقة إلين ما تبدأ الأطراف شوي تنتفخ . طلعيها من الفرن وخليها تبرد برا الثلاجة حوالي ساعتين . وبعدين حطيها في الثلاجة بدون ما تغطينها حوالي ٤ ساعات .