المكونات:
1- لحم او دجاج(حسب الرغبة بس اللحمة اطيب واضمن)
2- لبن رائب
3- ارز
4- فلفل ملح قليل من الهيل.. شرحات بصل
5- قلوبات ( صنوبر او لوز للتزيين)
الخطوات:
الموضوع الأصلى من هنا: http://bayt.el-emarat.com/#5942#post38742
1. نسلق اللحم او الدجاج
نضع مع ماء السلق.. شرحات بصل كبيرة لامتصاص الزفرة وملح وفلفل وبعض من حبات الهيل.
2. ننقع الارز ( فترة بسيطة) لانه ارز هالايام بلا نشاء يعنى كله مغشوش.
3. نحضر اللبن نضيف له قليل من الماء الفاتر حسب الحاجة على ان لا يصبح خفيفا ونخفقه بالخلاط ثم نضعه على النار مع استمرارية التحريك وعدم التوقف لحين ينضج اللبن اي لدرجة الغليان ( كي لا يكبتل اللبن)
وبعد الغليان ننشل اللحمة ونضيفها الى اللبن ليأخذ الطعم كما يقولون ويطبخ معا على النار فترة كافية لحين ينضج.
4. طبعا الازر بنطبخه على حدا
ثم نضع الارز في (الصدر) وعاء واسع يتسع كمية الارز كلها ونرتب اللحم على الوجه ثم نضيف القلوبات وطبعا بيكون اللبن المطبوخ قد صفيناه وقدماه بوعاء ثاني وبنصير نشرب( يعني نصب) اللبن حسب الرغبة للضيوف( عليكو جيرة) على فكرة والله اتقن المنسب بمهارة بس شكلي وبعد هالوصف ماراح حدا منكم يقدم وياكل بس والله زاكي عنجد وصحتين وعافية (اول مرة بحياتي اوصف أكلة مع انها أسهل أكله .. بتمنى تعجبكم ولا تنسوا القهوة السادة بعد الاكل لانها بتهضم .. صحة وعافية (انا بطلع من المنتدى لبين تخلصوا اكل خوفا من النتائج والمضاعفات تسلموا)
الله عليكي
وربي هذه الطبخه
امووووت فيها
منسف ع الجاج ما ينفع اردنيه
بدنيا منسف باللحمه البلاديه
يسلمووو
يسلموو
يسلموو
ويعطيكي الف عافيه
ودمتي بكل ود
عليك جيرة والله استأجر هيلوكوبتر واجيبلك منسف لعندك تراك تستاهل احلى منسف .. لعيونك..
وشكرا على مقطع الاغنية الشعبية .. تسلم يا فارسنا الملثم..
اخجلت تواضعي.. عنجد ذبحتني بلطفك .. ربي يوفقك ..
خلاص يوم عيد ميلادك بيكون الجمعة اعزمك على منسف ونعزم كل المنتدى على شرفك .. شو رأيك.. ؟
واذا بدك بنحطلك خبز شراك معه..
وفي كمان منسف على برغل.. انت بس تدلل …
السلام عليكم ورحمة الله وبركاته
غاليتي دعاء سلمت يداك على ما قدمته من منسف جميل
وبجد انه لذيذ وخاصة من ايدينك الغالية الجميلة تسلمي وتقدمي المزيد
تحيات اختك العراقية دمعة الم
شكرا يا احلى فاضلة وصحة وعافية على قلبك