مساكم الله بالخير
حبيت اجيب لكم هالقصه وعساه تعجبكم وهي قصة الشمالي وناقته الهديه
هذه قصة قديمه جرت على شخص اسمة عبدالله بن مفرح الدوسري الملقب (بالشمالي)اصيب يوم بمرض الجدري ولزم الفراش حوالي شهرين وكانت ناقته اسمها( الهدية) قد حست بغياب صاحبها ودائماً تجيءيم بيت الشعر وترفع رواق البيت براسها وتطالعه وتحن وبعد مدة توفي صاحبها فصارت الناقة كل ماوردت تجيء الى البيت وتنهض الرواق براسها ولاتجده ثم تسري فسارت ابنته ساره تعقلها حتى لاتسري في الليل ومضى نصف شهر وهي " تهجرع"بالحنين وكان عندهم جاراسمه حصيبان وفي ليله من الليالي توقظ وهي "تهجرع" بالحنين عند مشب النار وهاضت قريحته بأبيات طويله من الشعرمنها يقول:
ياذلـول القـوم حمـاى الـرديـه = اصبري عقبه علـى سقـم الليالـي
ذكرت بالحـب مـن عينـه شقيـه = ذاكـرٍ فـي نجـد خـلان وغالـي
عقب فقـده مـا توالـف للرعيـه = تطرده سـارة عـل روس المفالـي
عزتـي للقـرم حطـوا لـه بنيـه = عزتـي للقـرم مـن قبـرٍ هيالـي
عادتـه بالكـون يثـنـي للـرديـه = ينسـم الحفيـات ريـفٍ للهزالـي
الموضوع الأصلى من هنا: http://bayt.el-emarat.com/#51201#post659378
تحياتي لكم
دمتم بالف خير
ابو مهند
هجرعت بالصوت من عقب الشمالي
ياذلول القـوم حمـاى الرديـه
اصبري عقبه على سقـم الليالـي
ذكرت بالحـب مـن عينـه شقيـه
ذاكـرٍ فـي نـجـد خــلان وغـالـي
عقب فقده ما توالـف للرعيـه
تطرده سـارة عـل روس المفالـي
عزتي للقرم حطـوا لـه بنيـه
عزتـي للقـرم مـن قبـرٍ هيالـي
عادته بالكـون يثنـي للرديـه
ينسـم الحفيـات ريـفٍ للهزالـي
مساء الخير اخوي ابو مهند
قصه ولا اروع ياخوي
عساني ما انحرم منك
ولا من روعة قصصك الجميله
دمت بود
هههههه
يعطيك الف عافيه ابا مهند
حياك الله
الله يعافيك ولايحرمنا منك ومن جهودك
شاكر لك مرورك الرائع
تحياتي لك
دمتي بالف خير
ابو مهند
حياك الله
اقول ابو شبريه هذا سوالف رجال ماهي مني
وذا عرفت ترد عليهم حياك بينهم
تحياتي لك
دمت بالف خير
ابو مهند