السلام عليكم ورحمة الله وبركاته
مكرونة البيتز اكتير لذيذة
جربوها وخبروني شو رايكم,,,,
الطريقة
(1)
المطلوب خضروات مشكله مثل اللي في الصورة
زيتون اسود واخضر ***** النوى + طماط مقطع صغار + فليفلات انا استخدمت حمره وخضره .. او اذا حابين اي زياده انتو ع راحتكم ,,
(2)
ونروح للحشوة انا اخترت حشوة االدجاج وبامكانكم استخدام التونه او اللحم المفروم
عاد كل وحده وخلطتها السريه ,, انا حشوتي عباره عن بصل + طماط + كركم وبهارات هنديه وحطيت كاري فلفل احمر وفلفل اسود قليل ولاتنسون الملح وفي النهايه حطيت شو ي جبن سائل عشان الطعم
(3)
وطبعا المعكرونه تسلقونها عادي وبعدين تصفونها من الماي تخلطون 1 قشطة مع 3 ملاعق جبن سائل كرافت وتضيفونهم للمعكرونه لين ماتتشرب المعكرونه فيهم .. هذي صوره للمعكرونه بعد ماخلطنا
(4)
بعد ماجهزنا كل اللي ذكرته ,, نجيب بايركس للفرن ونحط فيه اول شي طبقه من المعكرونه
بعدين نحط حشوة الدجاج
وفوق الحشوه نحط طبقه من المعكرونه
(5)
نخلط الخضروات مع بعض ونضيف الخضروات على المعكرونه بهذا الشكل
(6)
آخر خطوة نحط جبن موزاريلا فوق الخضروات
(7)
وندخلها الفرن وننتظر لين ماتذوب الجبنه ,,
وهذا هو شكلها النهائي ,, وعليكم بالعافيه
الموضوع الأصلى من هنا: http://bayt.el-emarat.com/#166411#post1980153
بالهنا والشفا