تصوروا حال الامير يتغير الى خادم العاله

والكلام اشكـــال منهو اللــي يفسرها

والحروف تتراقص لاجت توصف اشكاله

والاوراق تختال بجماله هو اللي يسيرها

حنون بطبعه ومن سكن قلبه مير ياهنياله

طيبته ميزه وابتسامته بالشفايف يبشرها

لا وصفته الوصــــف يستحي من جمــــاله

الغيـــد ماينوصف ولا بجـــرة قلم يعبرها

تدلع يا بعد كل الدلع وتغنـــج بكل حاله

ابيك تملي عيــــن فاضت بحبك وتنيرها

ابحكيلك عن المــاضي وكيف قلبي زاله

وكيف قدرت بوصلك الغالــــي تغمرها

كنت ضايع بدربي في حله وترحـــاله

الموضوع الأصلى من هنا: http://bayt.el-emarat.com/#58417#post814433
افكر بقصة انتهت عرف الجاني يخسرها

كنت اظن وقتها اني عاشق قلبه وجماله

كنت اظن اني انا اميرها وبسمتي تسيرها

تصوروا حال الامير يتغير الى خادم العاله

وانه يشوف فرحته تغتال ولا بيده يغيرها

تخونه قدام عيــنه وتقلب يمـــينه شماله

تشرب السم اهون من الخيانه اللي جمرها

يحرق الاول والتالي ولا يترك شيء قباله

وذنبها ما ينغفر لو كان لها مغزى وعذرها

وجيتي انتي يا بعد انتي كنتي احلى داله

لدرب السعادة والهناء و جروحي تجبرها

عرفتي ليش يصعب علي وصفك يا غزاله

وانتي بنظرة عيونك ابيات الشعر تكسرها

ماجابته امه اللي يقدر يوصف جنونك واعتداله

ولافي ارحام الحوامل شخص يوصف خصرها

ماني اميرك انتي المملكة وانا حاكم ورجاله

وانا الشعب كله وانا الساحر اللي سحرها

ويكفيني شرف اكون في هالمكان فباله

لانه بحياتي نبض قلبي وروحي وعالي قمرها