بدايه القصه ولن اطيل عليكم
الحكايه كانت بدايتها بمدينه الرياض عام 1445 طبعا انا والعائله الكريمه لدينا مزرعه خارج الرياض بمسافه 150ك/م تقريبا كنا نذهب لها كل نهايه اسبوع طبعا انا واخوي (معليش انا مقدر اتكلم بالفصحى اعذروني) كل اسبوع نروح للمزرعه بالأهل او بدونهم على حسب رغبتهم
وانا واخوي اللي اكبر مني بسنتين عمره 25 وانا 23 كنا (فري) يعني عادي مع بعض كنا ندخن مع بعض نطلع مع بعض واي مكان يروح له لازم ياخذني معه طبعا بصفتنا اخوان واكثر من اخوان
الموضوع الأصلى من هنا: http://bayt.el-emarat.com/#60412#post853124
هنا تبدا المعاناه اللي شفتها كان من اول ما وصلنا المزرعه كان يحس بضيق تنفس في الصدر الايمن وقلت له اوديك للمستشفى قال لا عادي وكان يوم اربعا.
بكره الصبح صحيت لقيته جالس برا ويحالو ياخذ نفس بأي طريقه فسالته اوديك للمستشفى قال لا انا بخير بس شوي وارجع زي ماكنت قلت اوكي.
المغرب طلع بالسياره حقته وسألته وين بتروح قال بمشي للرياض
انا طلعت وراه لأني جاي بسيارتي وهو بسيارته فالأخ الكريم حط رجله وانا امشي 200 عجزت الحقه
وصلنا الرياض على الساعه7.30 احاول اتصل فيه بس للأسف جواله مقفل وانا جالس ادور مدري وين اروح ماتركت ولا مستشفى ما سألته وبالأخير سألت مستشفى (الحمادي) وقال الاستقبال انت اخ….فلان….. قلت نعم انا اخوه قال تعال الدكتور يبيك
دخلت على الدكتور وانا موب عارف ارضي ومن سماي
قلت اخوي عندكم؟؟؟؟؟؟؟؟؟؟؟
قال اجا هنا بس طلع
انا؟؟؟؟؟؟؟؟؟
وانا اسأله وودي اكل الدكتور بالأسأله قال استرح
انا؟؟؟؟؟؟؟؟؟
قال اخوك مدخن؟
انا؟؟؟؟
ايه ليــــــــه
قال هو بخير بس
انا بس بس وش فيه طمني
قال يحتاج عمليه وهو مارضى وطلع وهذي اوراق وقع عليها انه مسؤل عن نفسه
انا مدري وش صار فيني يعني تقدرون تقولون انجنيت عقلي ضاع كل شي توقعوه
سألت الدكتور :طيب وين راح
قال مدري بس المستشفى غير مسؤل عنه اذا صار له شي
انا مامسكت نفسي وهات ياكلام على الدكتور (((طووووووط)))
ليه مامسكتوه غصب وليه سمحتو له يطلع وليه وليه
على الساعه 2 الفجر اتصلت في اعز صديق له وحكيت اللي صار وقال تعال خذني من البيت بجي معك نبحث عنه
ااهلي طبعا ماقلت لهم لأني خايف على امي وابوي وابوي عنده سكر والكل يعرف المرض هذا الله يشافي المبتلين منه
الساعه4 الفجر جاني اتصال من رقم غريب رديت
المتصل:الو
انا:هلا
المتصل:عبدالمجيد
انا:نعم
المتصل:كيفك
انا:الحمد لله
المتصل:بعيد ولا قريب
انا: منو انت وش تبي
لوسمحت تراجعنا في المستشفى ال(؟؟؟؟؟؟)
قلت ليه ومن انت
قال اخوك عندنا ولازم تجي
طبعا الطريق كله على اشاراته ماعبرته ما اشوف قدامي الا المستشفى
وصلت ودخلت انا واللي معي وانا داخل مثل المجنون
اول واحد استقبلني الدكتور
تعال شف اخوك سوينا له العمليه ولازم تشوفه
دخلت عليه وانا العبره خانقتني والدكتور ماسكني مع كتوفي وقال بالهداوه لأنه مايتحمل
انا بصراحه نزلت دمعتي بدون ما اسمح لها لما شفت اخوي بطوله وعرضه طايح وممدد على الفراش الابيض
والمغذيات في فمه ووثلاث انابيب داخله في صدره الايمن
واجهزه واصوات انا طالعت الدكتور وكلي نظره حزن
اااخووووي شفيه حي ميت قوللللل الله يخليك قول
قال العمليه كانت لازم يسويها امس ولاكن الحمد لله انه ما تأخر جا قبل مايفوت الاوان
انا عندي اسأله كثييييييره بس اخاف انطق تسبقني دمعتي على اخوي
بعد اسبوع وهو داخل العنايه المركزه وانا كلمت اهلي وقلت لهم اول ماطلع من العمليه
جاني خبر وانا جالس في الأنتضار دخل الدكتور وهو كله نضره شفقه والم
ناداني بصوت انا بنفسي ماراح انساه صوت متقطع ونصفه تخنقه العبره
عبدالمجيد
عظم الله اجركم
لاااااااااااااااااااا
طلعت من الانتضار ودخلت على اخوي وسندي في الدنيا اشوفه مغطى بشرشف ابيض
صرخت لااااااااااااااااااا اخوي اخوي
اخواني انا اكتب القصه وانا اتقطع من داخلي على فقدان اخوي اعز انسان في الدنيا
والدموع تنزل مني وانا اكتبها
بعد هذا كله وبعد ماخلصنا اجرات لتسليم اخوي
جاني الدكتور وقال اخو ك كان يدخن صحيح
انا قلت ايه ليه
قال الدخان له سبب 50 % من اللي صار له وانت ليت ماتكون الثاني وتتركه بس عشان الغالي اللي فقده
وانا من بعدها خلاص اي واحد اشوفه يدخن وربي قلبي يتقطع من داخلي
واقول في نفسي ليه ليه اخوي وبس
انا تركت التدخين حتى اخويانا اللي نعرفهم ويعرفون اخوي تركوه بسبه الفاجعه الللي صارت لي
ورجاااااااااا خاص للمدخنين وربي انا فقدت غالي ليه انتم ماعندكم غالي ؟؟؟؟
الموضوع الأصلى من هنا: http://bayt.el-emarat.com/#showthread.php?p=853124
اخواني لا اريد ان اطيل عليكم لكن البعض ممكن يقول هذا من نسج الخيال
لا والله هذي قصه حصلت لي واللي اصر علي وقال انشرها في المنتديات هي اختي الصغيره اللي الى اليوم وهي كل يوم تتذكره
والله القصه واقعيه وهي حصلت لأعز انسان عندي في الدنيا وادعوى له بالرحمه
وارجو نشرها
واعذروني اذا كان هناك اخطاء املائيه او شي يكون به شك في القصه
:::::::::::::::::::::::
اسأل الله له الرحمه والمغفرة
وأسأل الله الهدايه والعافيه لكل مبتلى بالتدخين
قصه مؤثرة بالفعل نقلتها لكم كما هي بدون اي تغيير او اضافه
وربي قطعت قلبي
الله يحرمه ويغمد روحه الجنه
صحيح يا اخي التدخي مضر بالصحه وسببا مراض كثيره
لكن بالاول والاخير هذا يومه وامر الله والتدخين كان السبب لهذا الاجل
الله يرحمه ويغمد روحه الجنه
والله يصبركم على فقدانه
عبوووره
حياك الله المسلم الشهيد
رحم الله اخيك وادخله فسيح جناته
والهمكم الصبر والسلوان
بصراحة قصة اخوك ادمعت عيناي واحزنتني كثيرا ولكن ماذا نقول
هذا قضاء الله وقدره ولا اعتراض على امر الله
هذه نتيجة الدخان النيكوتين الذي لا يرحم اي مدخن
هذا السم الذي يهري البدن دون رحمة ولكن الكثيرين لا يتعضون
الله يهدي كل مدخن الى طريق الصواب ويتركون هذا السم الهاري
الذي اوصل الكثيرين الى هذا المصير المؤلم والفراق الابدي
الله يرحمه ويرحم جميع اموات المسلمين
بارك الله فيك ووفقك لما فيه الخير والصالح
الله لا يحرمنا من جديدك القادم
ودمت بحفظ الله ورعايته
الله يرحمه ويعظم اجركم ان شاء الله
نــ الخـليـج ـوارة
لا حول ولا قوه الا بالله
الله يعينكم ويصبركم .. شده وتزول ..
وربي حاسه بشعورك والحرقه الي بقلبك ..
لاني فقدت اعز انسان لي واهوا اخوي بعد …
لا حول ولا قوه الا بالله
