هــلا والله … وش لونكــــم …. والله الحمد لله … (( وش جاب ذا الغثيـــث .. اللحين وش يفكنا منه )) لا والله مستعجــل بــس كنت في المنتدى اللي جنبكــم .. وقلـت ما دام اني قريب ادخل اســلم … (( طيب سلمت خلاص …. ممكن اللحين تنقلــع برا ..!!))
وش رايكــم .. مادامنــا فــاضين … خلــوني اكلمكـــم عــن بطــولاتــي ومغامراتــي .. (( ايووووه ياجيمــس بـونــد … يارجال واللي يعافيك فكنا من نصبك ))
اكيد كلكــم خابرين الحــارات ومشــاكلهــا … يعنــي تحصل عيال الحاره او الفريج دايم بينهم مشاكل …. طبعا هذا بالنسبه للعيال اما البنــات .. والله ما ادري كيف كانت مشاكلهم …….. المهــم … انا كنت قووووي مـررره لدرجة اني مره طقيت خمس طعش هندي باصبع واحد .. ((ك .. ذ .. ا .. ب )) لدرجــة ان عيال الحاره من كثر ماهم مستغربين من قوتي كانوا يسمــونــي _ مايكــل جاكســون _ لاني كنت اقوى واحد فيهم …
المهــم .. مــره من المراريرات … جاني واحــد مــن عيال الحــاره يبــي فــزعتـي … لان عيال الحاره اللي جنبنــا طقــوه…… وانا اللي اقــوله ابشــر .. والله لأجعلنهـم يندمون على طقك ولاجعلن دمائهم انهــارا .. (( اخــس يالـزيـــر ســالم )) وتدرون ليش انا سويت كذا … لاني كنــت احــب اخــت هالولــد .. وكانت هي تمــوت فينــي … خصــوصا اذا لطخــت وجهــي بالفـــازليــن وقمــت ألمــع في الشمــس والذباب متجمع حولــي .. وبنطلــوني اخضــر وبرتقالي .. والفنيلــه صفــرا واكمامهــا حمــرا .. تحس اني لوحــه رسمهــا بيتهــوفن … (( قصــدك .. تحس انك .. زبالة هنـــود )) … وكنــت اذا مريت من قــدامهــا انفــاسها تتــوقف من الحــب ومن الاعجاب … (( وانت الصادق .. انفاسها تتوقـف مــن ريحتـــــك الخـــايســــه ))…
المهــم … خوينــا هــذا .. اللي طقــوه … شـــرانـــي مــرررره … بس مشكلتــه انــه غبـــي …. لدرجــة ان كل واحد في العالم يوسوس له شيطــان واحــد .. اما هــو عنــده خمـــس شيــاطيـــن .. واحـــد يوسوس لـــه والاربعـــه البــاقين يفهمـــونـــه … بــس عــاد لازم افــزع معــه عشــان اختــه ما تقــول انــي خــواف …. وعلى قول المثـــل .. لاجــل عيــن تكرم عينك ياللي لعينك تحزن عين وتفرح عين …
الموضوع الأصلى من هنا: http://bayt.el-emarat.com/#19486#post170496
المهــم … رحــت ان وهــو للحــاره الثــانيــــــه …. طبعا عيال حارتنا الباقين ماراحوا معــانا .. لانهــم عــارفيــن ان عيال الحــاره الثــانيــه .. كلهــم جلــوف وكبــار ونشيطيــن …. واول ما خشينــا حــارتهــم وانا اللــي اصيــح باعلــى صـــوتــي .. وينكــم يالدجــاج .. اللــي يقــول انه رجـــال يقــابلنـــي … واللــي يــرشنــي بالمــويه ارشـــه بالكلــــــــب .. ومــا امــدانـــي اخلــص مــن كلامــي الا ذاك الكــف اللي يمشــي مليــون على وجهـــي …. والتفــت بســـرعــــــه … واشــوف قــدامــي سيقــان آدمــي … وانــاظر فــوق … هالولــــد اللــي ما قدرت اشوف وجهــه مــن طــوله … والله ياهــو كبيـــر …. اعتقــد انــه من انواع الديناصورات ….
وقــال لي : عــد اللــي قلتـــه ……….. وانا اللي قامــت ارجولي تلعــب .. وقمت اتنــافض كنــي رقــاصـــه …. وقلت لــه : والله ماقلت شي .. بس امي ارسلتني اشتــري دخــان ولا لقيــت في بقالتنــا شــاهي قلــت اجــي بقــالتكــم اكيــد راح القـــى طمـــاط … (( يلعن التصـريفه ياشيخ … لكن هذا الخوف وعمايله )) .. وهـــو اللــي يمسكنـــي مــن فنيلتــــي ويجــرنــي فــي الشـــارع …. اللين صار الشــارع يلمــع من النظــافـــه …. طبعــا خــويــي اللي كان معي انحــاش وجلس يراقب الوضع من بعيــد .. وخلاني مع اندريه العمــلاق بلحــالي … وقــام يبقــس فينــي ويكفــخ فينــــي .. وانا اقــوله مستسلم .. والله ما اعودها … وهــو يضــرب فينــي بجد واخــلاص .. وانا اللي انفلت منــه وانحــاش .. والله ذيك اللحظــه لو كان فيه سباق كان اخذت الاول بدون منافس …. المهم …. وصلت حارتنا …. وانا اللي اشــوف البنــت اللي احبهــا قــدامــي …. وقامت تنــاظر فينــي مستغــربه … طالع وجهــي كنه كراسة رسم طالب في اولى ابتدائي من كثر الطــق اللــي جــانـــي ……. وقامـــت البنـــت تضحـــك وراحـــت …… وانا اللي اقــول في نفســي .. ايه هذا الحب اكيــد انهــا ضحكــت لانهــا معجبه فيني وفي شجاعتي .. ويمكن تبي تخفف علي من هول المضاربه …… وانا جالس افكر جا اخــو البنــــت الرخمــــه ….. ومعــاه بنطلــون مووو غـريــب علـــي …… وعطانيـــاه .. وقال : هذا بنطلونك طاح وانت تنطــق ….. واناظــر لنفســي الا انــا لابس السروال الصغير بس .. ومشقوق بعد …..
الموضوع الأصلى من هنا: http://bayt.el-emarat.com/#showthread.php?p=170496
المهــم … طــاح وجهــي .. وعــرفت ليش البنــت تضحــك .. لانهــا صــادتنــي على حقيقتـي .. وعــرفــت انــي دجــاجـــه … وصرت مسخــره في الحــاره .. لدرجــة ان جانــي عقــده نفسيــه اسمهــا .. فرانكفورت … (( لا تــدقــقــون في الاســم )).. بــس اللــي قـــاهــرنــي الليـــن اللحيـــن … ان بنطلــونــي يوم جــابه اخــو البنـــت .. كان مغــــرق … ومليـــان مـــويه … مــن ويـــن جت هالمــويه ما أدري …. حاولت اعرف بس ما توصلــت لنتيجــــه …. (( ما تدري من وين جت …… جت من الخــوف ياحبيبي ….. بس ثانــي مــره اذا بغيـــت تتمشكـــل مــع احـــد … يستحســــن تلبـــس حفــايض بامبرز .. لانهــا تمتص البــلل بسرعــه .. وتعطيك راحــه اكثــــر ..))……
