طريقة عمل النودلز الصيني بالصور , اسهل طرق عمل النودلز الصيني , طريقة تحضير النودلز الصيني بالخطوات المصورة
السلام عليكم
جبت لكم اليوم طريقه تحضير النودلز الصيني بالخطوات المصورة
طيب بالنسبه للنودلز أنآ كل مره أستعمل الـ egg noodles، لذيذه جداً لكنها أدسم من النوع الثآني ..
ووصفتنآ لليوم استعملت الـ rice noodle، أخترته كنوع من التغيير واللي لآحظته كوجبه خفيفه ع المعده لأنه نوع النودل خفيف ومش دسم ..
أمآ عن المنتجآت والصوصآت اللي استعملتهآ في الوصفه ..
من اليمين سويت صويا صوص، صويا صوص، هويزن صوص، صلصة حاره، خل الرز الأبيض ..
طبعاً لج الخيآر إذآ تبين تستعملين فقط صويا الصوص العادي بس إضآفة السويت صويآ صوص جدا يخلي الطعم لذيذ ومميز ..
الصلصه الحآره أضفتهآ كوني أعشق السبآيسي فمآ أستغنى عنه في أكلآتي ،،
في حآلة ما عندج هذآ النوع من الخل بإمكانج تستبدلينه بالخل العآدي ..
المقآدير:-
كيس نودلز ..
فلفل رومي أصفر و أخضر ..
الموضوع الأصلى من هنا: http://bayt.el-emarat.com/#227633#post2069628
جزر ..
ذره ..
ورقتين ملفوف ونص ..
5 حبآت مشروم ..
فصين ثوم ..
بصل ..
بصل أخضر ..
بيضه ..
ملعقه صغيره خل الرز الأبيض ..
ملعقة طعام صويا صوص ..
5 ملاعق طعام الصويا صوص الحلوه ..
ملعقة طعام صلصه حاره [ أنآ حطيت أكثر ] ..
ملعقة طعام هويزن صوص ..
ملح & فلفل أسود
الطريقه :-
حمسي البصل والثوم لحد ما يحمر وبعدين ضيفي المشروم حمسيه لمدة دقيقه ..
بعدين ضيفي الجزر والملفوف حمسيه لمدة دقيقتين ..
ضيفي الفلفل الرومي والذره والبصل الأخضر ..
في نفس القدر ع الجنب ضعي البيض وع النار راح تطبخ وبالملعقه اخلطيهآ لحد ما تتفتت ..
ضيفي القليل من الملح والفلفل الأسود للخضروآت واخلطيهم ..
ع جنب نطبخ النودلز ..
هذي النوع بالذآت ما تاخذ مدة طبخهآ مجرد تضعينهآ في مآي مغلي لمدة 3 – 5 دقايق اتأكدي بأنهآ نضجت وفي الأخير حطيها في الصفآيه وغسليهآ بقليل من الماي البارد حتى ما تلآصق ..
مجرد تصفينهآ من المآء ضيفيهآ للخضروآت ..
في الأخير ضيفي الخل عليهآ والصوصات والصلصه الحآره وأخلطيهآ كويس ..
ذوقيهآ شوفي يمكن تحتآج صويآ الصوص الحلوه زيآده أو المآلحه يمكن ناقصه ملح ،،
وفي الأخير قدميهآ وأنتي واثقه من طبقكـ أنه رآح يكون لذييذ