السلام عليكم ورحمة الله وبركاته
دخل الاستاذ محمد بن احمد الى الصف على الطلاب وصبحهم بالخير
فردوا بعظهم بخوف >> لان عليهم واجب وكلهم ماحلوا الواجب +
فقال الاستاذ محمد بن احمد وين باقي الاعضاء فردوا غايبين يا استاذ. ان شالله حليتوا الواجب فسكت الاغلبيه وصار كل واحد يطالع الثاني فعرف الأستاذ ان
الاغلبيه على الهوا نيام فأخذ عصاته وقال يالله بسم الله نفتش عن الواجب نبتدي من الامام من عند ابو كشه
الاستاذ محمد بن احمد: خير ان شالله ايش فيها عينك ليش حمرا
ابوكشه:والله ياستاذ كنت في البيت في الليل باحل الواجب وقلت قبل لا احل الواجب بتسبح ويوم تسبحت دخل في عيني الصابون وطول الليل في الطواري من عيني ماقدرت احل الواجب
الاستاذ: ماقدرت هاااه من الصابون
ابوكشه : اي والله
الاستاذ: انزين شيل ايدك من على عينك وبسك صياح وين الورقه الطبيه
ابو كشه: هااه الورقه ؟؟؟؟؟؟؟؟
الاستاذ: اي وين الورقه
ابو كشه : لازم يعني استاذ >> تورط
الطبيب قال لي خلصت الاوراق عندنا.. بكره مرنا
الاستاذ :ها الطبيب قال لك كذا ..زين فيه مكان على الصبوره ممكن تنوره
اللي بعده
الاستاذ : سلطان الف مره اقول لك ان المسجل ممنوع في الفصل
سلطان: ليش ياستاذ خلنا نرفه اشوي عن نفسنا
الاستاذ : لا ياشيخ انزين ايش الاشرطه اللي عندك؟؟
سلطان : كل ماتشتهي نفسكِ امرني انت بس يبه
الاستاذ : ممكن تسمعني اخر شريط حق ام كلثوم ابي اسمع اغنيتها اين الواجب هذي الاغنيه احبها حييييل تذكرني بناس على الصبوره جالسين>> ابد ما يقصد احد
الموضوع الأصلى من هنا: منتدى الخليج http://bayt.el-emarat.com/#4433#post29864
سلطان: والله ياستاذ هذي الاغنيه كانت عندي بس واحد من الشله ياشيخ خذ الشريط وما رجعه
الاستاذ: اقول قوم ورني طولك؟؟
سلطان: شوف ياستاذ طولي!!
الاستاذ: ممكن تعد كم خطوه لين الصبوره وتوقف اهناك
سلطان: حاضرين ياستاذ انت تامر
الاستاذ: خل المسجل هنا وروح على الصبوره
الي بعده
الاستاذ:امير رومانسي كم مره قلت لك لا تشخبط على طاولت البنات وترسم قلوب وشعار نشتغل عندك كل يوم مغيرين طاولات للبنات
امير رومانسي: وفيها الدنيا ياستاذ غير القلوب الحزينه والابيات الشعر الي تقطع القلب
الاستاذ:بالله عليك انت انسان عاشق؟؟
امير رومانسي: اي ياستاذ ومن فينا مايحب انت ما تحب ياستاذ
الاستاذ: ايه اكيد احب
امير رومانسي : ياستاذ انت تحب
الاستاذ : اي احب اقولك مين بس لا تفضحني
امير رومانسي: ورب الكعبه ماعلم ياستاذ يله قول تحب مين مين ؟؟؟؟
الاستاذ :احب وحده اسمها واجب
امير رومانسي : هذا الاسم مار علي .. هذا الاسم يعني اروح براا على الصبوره
الاستاذة : ماشالله عليك تفهما وهي طايره جدامي على الصبوره
الي بعده
الاستاذ: لسان الروح ليش حاطه راسك على الطاوله؟؟
لسان الروح: اسكت عني ياستاذ مالي خلقك اليوم راسي يعورني
الاستاذ : راسك باسم الله عليك تبيني اجيبلك بندول او احط عليك كمادات اوكي بخليك ترتاحين بس ممكن طلب صغير الله يخليك اذا ممكن يعني تسوينه لي
لسان الروح: خلصيني يالله بسرعه
الاستاذ:اقولك يعني لو سمحتي يعني حليتي الواجب؟؟
لسان الروح: وين احل الواجب وانا فيني صداع في راسي
الاستاذ: يعني ماحليتيه؟؟
لسان الروح: اففف مللتنيي لا ماحليته
الاستاذ: اجل قومي قدامي نوررينا على الصبوره
اللي بعده
الاستاذ: خير يارغد ليش ايدك لافتها؟؟
رغد :والله ياستاذ امس الله يسلمك امي حالفه علي اسوي لاخوي الصغير بيضه وقلت لها علي واجب ابي احله
قالت لى لا اول سوي العشا لاخوك الصغير وانا ماعرف اطبخ ويوم حطيت الدهن وصار حار وحاس ايدي وحرقني
الاستاذ : بسم الله عليك ماتشوفين شر رحتي المستشفى؟؟
رغد: لا امي عالجتني في البيت
الاستاذ : انزين ممكن اتطمن عليك وتفتحين الرباط اشوف الحرق
رغد: لا استاذ خطر مو زين افتح الرباط
الاستاذ: مو زين اوكي روحي عند خواتك على الصبوره بيساعدونك يالله جدامي
اللي بعده
الاستاذ :دافىء الدمعه انا خابر الناس تاكل حب انت وصخت الصف بقشور الليمون المهم وين الواجب؟؟
دافىء الدمعه :ماتشوفني الحين مشغول يعني لازم الاحراج والتعطيل مر علي بعدين
الاستاذ :ان شالله يعني انت الحين مشغول بتقشير الليمون …. انزين عطني الدفتر لو تكرمت
دافىء الدمعه: اخذ.. اوف ما يخلون الواحد يآخذ راحته
الاستاذ: ما درينا انك مهم لهدرجه كل هذي ارقام تلفونات؟؟
دافىء الدمعه: هذولي ارقاام صديقاتي
الاستاذ: نعم
دافىء الدمعه :لالالالا خلني اعرف آكل لا توهقني باسئلتك
الاستاذ:انزين قوم وخذ صحنك وقشر عند ربعك على الصبوره
اللي بعده
الاستاذ: شين وقوي عين اشفيها طاولتك تهتز تقول حايشك زلزال؟؟
شين وقوي عين: انا حتى مستغرب من ايش تهتزالطاوله ؟؟؟
الاستاذ : هاااه تقريباً انا عرفت السبب خلينا نشوف من ايش.. بس بعد ماشوف الواجب
شين وقوي عين :ياستاذ كنت كاتب الواجب في هذا الدفتر بس الحين ادور الواجب وما لقيته مدري اشلون
الاستاذ : سبحان الله يعني كنت كاتبه في هذي الصفحه وإختفى
شين وقوي عين : اي والله يا استاذ محمد
الاستاذ:سبحان الله اكيد من دافىء الدمعه عصر عليه ليمون واختفى عرفت الحين ليش تهتز الطاوله بشور عليك شوره
ليش ماتروح عند دافىء الدمعه على الصبوره وتساله ليش سويت كذاوتصفون ا لحساب……. قدامي يالله
اللي بعده
الاستاذ: عادل عبدالله نشفوا ريقي ربعك عندك عصير والا شي جايبه معاك
من البيت اشربه؟؟
عادل عبدالله: لا يااستاذ انا مااشرب الا مره وحده في اليوم الصباح بس قبل
لا اجي المدرسه >> يازين النظام
الاستاذ : اهاااا حلووو >> فشله
المهم حليت الواجب والا لا؟
عادل عبدالله :يا استاذ انا ماحل الواجب الا مره واحده في السنه الدراسيه
الاستاذ: حتى هذي مره وحده طيب ممكن تشرفنا وتنور لنا الصبوره
عادل عبدالله : هذا الشي ممكن لاني اول مره اسويها يعني اول مره اقف على الصبوره
بس انا ماسوي الشي الا مره وحده لا تطلب مني مره ثاني اوقف على الصبوره
الاستاذ : انزين وليش كل يوم تجي المدرسه ليش ما جيت اول يوم بس ووقعدت في بيتكم باقي السنه
عادل عبدالله : هذا الشي اللي انا مستغرب منه يمكن من عصاة الوالد
الاستاذ:انزين الصبوره تستناك .. يله جدامي بسرعه
الي بعده
الاستاذ:هااا يا الحزينه دائما اشلون بطنك اليوم ؟؟
الحزينه دائما:زفت يا استاذ بعيد عنك حياتي عذاب متعذبنيش بعيد عنك
الاستاذ: الله يا ام كلثوم كملي بعد قولي جبتيلي النوم ماحليتي الواجب صح؟؟
الحزينه دائما : اللي يعجبني فيك يا استاذ انك تفهمها وهي طايره هاشلون
عرفت اني ماحليت الواجب مركبلك مرآه سحريه علمني؟؟؟
الاستاذ : اقولك اشلون عرفت انك ماحليتي الواجب وما تقولين لاحد؟؟
الحزينه دائما: وربي ما اعلم تكفى يا استاذ طلبتك يالله قول؟
الاستاذ :: تعالي معاي اهناك عند الصبوره عشان محد يسمعنا يللا
قومي
اللي بعده
الاستاذ :يالله حيهم ابو الشباب اشلونك يا غربي اول مره اشوف واحد متربع فوق كرسي المدرسه كنه قاعد في خيمه!! ويين الواجب ؟؟؟
غربي :نعم نعم ليش حرام لالالا مو ممكن
الاستاذ: خير خرعتني اشفيك؟
غربي : اول مره احد يسألني عن واجباتي عورت قلبي
الاستاذ: يعني قلبك الحين يعورك مره
غربي : اي والله ياااستاذ ، ارجوك لا تعيد هذي الكلمه اكرها حيييل
الاستاذ: انزين قوم معاي بفحص عليك عند الصبوره…. قوم
اللي بعده
الاستاذ : اشلونك خليفه الجاسم
خليفه الجاسم: بخير يااستاذ محمد بن احمد ،اشفيك معصب يااستاذ
تراا الدنيا ما تسوى >> ياحبه للنصايح
الاستاذ : من اللي اشوفه من الشله اللي بيذبحوني
خليفه الجاسم: المفروض اللي ماحل الواجب يطلع من نفسه من غير ماتقوله
الاستاذ : اشلون يعني؟
خليفه الجاسم: يعني يسون كذا مثلي يقوم من على الكرسي ويقول لروحه قوم >>> ذكي
اللي بعده
الاستاذ:هااا يا انشودة المطر بشري ان شالله الواجب موجود وينه فيه
ممكن اشوفه ؟؟؟
انشودة المطر : الناس اسرار يا استاذ والستر زين لا تشوف اسرار الناس عيب وحرام بعد
الاستاذ: الظاهر انقلب الوضع وصرتي انتي الاستاذه اوكي يا استاذه انشودة المطر
ايش نسوي في اللي ما يحل الواجب في نظرك ؟
انشودة المطر: تعطيه هديه عشان يتشجع ويحل الواجب المره الجايه
الاستاذ: انزين يا ابله ممكن تشرفينا هالمره على الصبوره تراها اكبر هديه
مني
ــــــــــــــــــــــــــــــــــــــــــــــــــ
ــــــــــــــ
الاستاذ محمد بن احمد ماسك عصاته وقاعد يقول :
عيب يا ولد ((سلطان)) ليش تاذي رغد وجع ان شاء الله روح اوقف يم صديقك بوكشه وارفع رجولك وايدينك فوق وياويلك اذا نزلتهم او ضحكت ترى اشوفك هاااااه
الحزينه دائما تقول لاستاذ:
استاذ محمد
ترى تعبت من الوقفة
أبي اقعد
و طبعا بسحب معاي الشلة
و غصبا عنك بعد أستاذي الفاضل >>> رقعتها هههههههههههههههاااااااااي
ترد عليها رغد :
ياربي يا الحزينه… لا تقعدين تقوليله يقعدنا اناابي اوقف احسن علشان نطلع برى الصف من وراه
ههههههههههههههههههههههههههههههههههههههههههااااااي
<<< تبي تهرب من الحصه اذاها سلطان وهو يحذف عليهااوراق
سلطان يرد عليهم :
ااستاذ خليك شاهد عليهم يكذبون عليك انا رافع ايدي الثنتين ورجولي بعد بالله اشلون بحذف عليهم
الاستاذ :
بالله راسي عورني من صراخكم
سكوووووووووووووت
القلب الاسود وانا والشوق وطير الاقصى وسويت انجيل احسن ناس بينكم هاه الله الله فيهم لا تخربونهم ابيهم هادين ومثاليين مثل ما دخللوا
الاستاذ >> ماسك العصاا
بوكشه وسلطان وامير رومانسي ودافىء الدمعه وشين وقوي عين وعادل عبدالله وغربي والخليفه الجاسم تعالووواا يا شباب
واقفوا وكل واحد يفتح ايده زين
وياويل اللي اسمع صوته او صراخه من الطق راح ازيده
>>> تعذيب
طاااااااااااااااخ Xطاااااااااااااخ طااااااااااااااخ Xطاااااااخ طااااااااااXااااااااااخ طااااااااااااااااااااخX طااااااااااااااااااخ طااااااااااااااXاااااخ طاااااااااااااااااااااااخ طاااااااااااااااااااااااخ طااااااااااااااااااااااخ طااااااXاااااخ ((عشرطقات لكل واحد فيهم ))
وياويل اللي اسمع صوته راح اطلعه برااا
الاستاذ : جا للبنات >>
الحزينه دائما ياعمري انتي تعبتي من الوقفه ليش ما قلتيلي
لسان الروح ورغد وانشودة المطرياحبكم للفوضه والسوالف الفاضيه
والضحك
راح ارجعكم اماكنكم بس قبل هذا لازم اعطيكم حلاوه
افتحوا يديكم >>
طااااااااخ طاااااااااااخ >> كل وحده فيهن طقه وحده لانهن ما يتحملون القسوه
رجعوااااا مكانكن وكل وحده تقعد بعيده عن الثانيه وياويل اللي اسمع
صوتها راح اخذها للمدير عناد
رولا تستفسر عن الدرس >>> يحليلي هذي انا
السلام عليكم ورحمة الله وبركاته
أشهد أن لا اله الا الله و اشهد أن محمد عبده و رسولــــــه
الموضوع الأصلى من هنا: منتدى الخليج http://bayt.el-emarat.com/#showthread.php?p=29864
هاااااااااااه ايش الدرس الجديــــــــــــــــــــد؟؟
ماكنت حاضــــــــــره وصلت متأخره
واحسن اني وصلت متاخره وافتكيت من حصة الاستاذا الغثيث اللي يطقنا عشان بس ما حلييناالواجب ويضيع نص الحصه الحمدلله والشكر
امنا وابونا ما فكروا يطقونا اهوه يجي ويطقنا الحمدلله والشكر
الحزينه دوما ورغد ابيكم تشرحولي الدرس مالي خلق لدروسه الخصوصيــــــــه
الحزينه دائما : لا شوفي غيري انا وحده ما لي خلق اشرح لاحد
رغد : حتى انا مالي خلق وما اعرف اشرح حق احد
القلب الاسود :رولا انا بشرحلك تعالي >>>مسوي عمره طالب مثالي
رولا : مشكوووور القلب الاسود نخدمك بالافراح انشاءالله
وطبعا استمر الحال في مدرسة المشاغبين..اوه سوري اقصد مدرسة الخليج للبنين والبنات كماهو عليه حتى انعدوا الشاطرين من الكسلانين وصارت فوضه وصار فصل المنتدى من اردى فصول المدرسه…..
اتمنى تعجبكم خيالاتي…
رولا ..
هههههههههههههههههههههههههههه
حلوه يارولا هالمدرسه
والله لونا بالجامعه الامريكيه
التماسيح استانسو عالجمعه
ههههههههههههههههه
رولا الف شكر للموضوع الفكاهي
تحياتي
<<<< اتقول زين اني غايبه ماحضرت درس هالنسر
تشااو خ18
الله يرجك يالمصروعه هههههههههههههههههههههههههههههههههههههههههههههههههههههههههههههههههههههه ههههههههههههههههههههه لا انتي وجهك مسويه ذربه بالقصه خخخخخخخخخخ
اما ذا الاستاذ حالته مستعصيه ههههههههههههههههههههههه
يسلمو يالقصيميه ولا من زود الذرابه حاطه اسم رولا الله يرجك
تحياتي للتنسيم
الله يرجك يارولا,,,,,,
************************************
الاستاذ:هااا يا انشودة المطر بشري ان شالله الواجب موجود وينه فيه
ممكن اشوفه ؟؟؟
انشودة المطر : الناس اسرار يا استاذ والستر زين لا تشوف اسرار الناس عيب وحرام بعد
الاستاذ: الظاهر انقلب الوضع وصرتي انتي الاستاذه اوكي يا استاذه انشودة المطر
ايش نسوي في اللي ما يحل الواجب في نظرك ؟
انشودة المطر: تعطيه هديه عشان يتشجع ويحل الواجب المره الجايه
الاستاذ: انزين يا ابله ممكن تشرفينا هالمره على الصبوره تراها اكبر هديه
مني
ههههههههههههههههههههههههههههههههههههههههه
اما نعطيه هدية ههههههههههههه
لا بجد هذي ترقيعاتي
كنك تعرفيني
يعطيك العافية حبيبتي خ18
تحياتي لك,,,