{ماتقبلت الفراق ومالي يد فيه حيله}

لو يعرف الشخص منا وش مع الغيب اب يجي له
كان جنبنا المشاكل من قبل يوقع ضررها

ما هقيت الليلة اللي جابت الفرقا طويله
لين صارت ليلة أمس بعيني أطول من شهرها

و العذاب اللي يذوب بعين من يفقد خليله
عندي أكبر من عذاب العين لو تفقد نظرها

و ****** اللي صدوده مثل مداته جزيله
صد عني و أعرفه لا صد عن حاجه هجرها

كأن روحي يوم حست في جفاه و صعب نيله
بشرتني بالضياع و شدت العزم لسفرها
الموضوع الأصلى من هنا: http://bayt.el-emarat.com/#93705#post1454779

ما رحمها من هلاك و ما تقبلها دخيله
تحتضر قدام عينه لين ماتت من قهرها

عاد ليت اللي ذبحها و أرهب الموت بوسيله
ما دفن وجه الضحيه و السكاكين بنحرها

ليت قلبه يوم طاوع فعلته كمل جميله
لو غسلها من عروقه و بكفن صدره قبرها

من حفر بضلوع قلبه حفرةٍ تكفي قتيله
ليه ما يدفن قتيله بالضلوع اللي حفرها

اشتكيته للرفوف و للبراويز الهزيله
و انذعرت من النياح اللي سمعته في صورها

رحت أسولف للجبال الصم عن قصة رحيله
ما تركت متونها الا ينحت الدمع بصخرها

واحداً حقق جماله كذب اساطير ألف
يسكن السبع البحور ويحبس الحور بدررها

والدروب من كبرياء ترتجي تحته ذليله
والورود اللي تقبل خطوته تنبت بذرها

والغصوون لبغى له تنثني له تنثنى له
والفياض ان حب ينثر عطرها يلمس زهرها

ولو يصوت للغدير المنجرف جفف سلسبيله
وان تبسم للجبال الصامته نطق حجرها

وكل حاجه لو بغاها تستوي له تستوي له
بالنظر واستغفر الله لو بقول انه سحرها

ذاك لو بس يتمنى فاكهة شجرا ظليله
بس يفتح ايده ويتساقط له ثمرها

كنا ربي سخر الها المعجزات المستحيله
واصبح اسطورا وكل الألسنه تنقل خبرها

هان محجر دمعي لين جفف سلسبيله
والتفت لأخير دمعه دمعه قبلت يده ونثرها

دمعة كنا بشقاها يوم طاحت في شليله
جاذلا جات بدوياً تطلب الستر وسترها

له علي الين طاح من عيني اشيله
وله علي يرجع لابتسامتي ثغرها

لو طعوني بالسكاكين بأيده تشفي غليله
لشتريها من عذابي وادفع بدمي مهرها

ينهال فيني طعن لين يطيح حيله
بس لايترك عيوني تنحرم من حرمت بصرها

له بعيني مثل مالطهر بالنفس الأصيله
تقطع ايدين الردى لو مس شعره من شعرها

مابغيته غير درب وشتت اقدام الدليله
مزنةً مابللتني واستحيت اطلب مطرها

والعطايا من ايدين الخلق لطالب قليله
والوهايب من يدين الله للعباد اجل وارها

وأن نسيت اني زرعت العشق وحظوظي بخيله
مانسيت ان العطايا تستحق اللي شكرها