طريقة عمل الخبز الاوزبكي بالخطوات المصورة , معجنات خليجية , طريقة ومقادير الخبز الاوزبكي بالصور , طريقة عمل الخبز الاوزبكي خطوة بخطوة
السلام عليكم
جبت لكم اليوم
طريقة عمل الخبز الاوزبكي بالخطوات المصورة
اليوم خُبزنا من اوزبكستان
اللي جذبني في هذا الخبز هو فنهم في تشكيله
يعني ما قالوا خبز نخبزه وياكلونه والسلام
لاااااااا
فيه عرب يقولون هذا تميس اوزبكستان
لكن فيه فرق بين شغلهم وشغل التماسيين حقيينا
هم يتفننون في نقش الخبزه وتشكيلها بطريقة تميزها عن غيرها من الدول
اول ما شفته كنت احسبه لوحات من الخشب محفوره
لونه روعه والنقش والحجم مرتب ويجذبك بدقته
وكل منطقه لها نقشه خاصه فيها
هذه صور من النت اعجبتني
ما يتقارن خبزهم باللي سويته لكن كانت تجربه ممتعه
الموضوع الأصلى من هنا: http://bayt.el-emarat.com/#237230#post2081099
عاد اختكم اريام دورت على طريقة هالخبز ولقيتها لكن كان فيه مشكله او حاجه نقصتني
وهي القوالب اللي ينقشون فيها الخبز ما لقيت اي شيء قريب منها
وهذا شكلها
قمت مشيت حالي باللي طلع معي ذاك الوقت
ندخل الحين على طريقة صنع هالخبز تراه سهل مررره
المقادير :
2 كاس دقيق فوم
1 ملعقة صغيره سكر
1ملعقة صغيره خميره فوريه
رشة ملح
2 ملعقة صغيره زيت
كاس الا ربع ماء دافئ
نبدأ يا حلوين نحط المقادير كلها مع بعض
نضيف الماء الدافئ بالتدريج ونعجن ونطول واحنا نعجن السر بنجاح الخبز واي عجينه مشابه
هو العجن فترة طويله وراح تحسون ان العجينة قاسيه شوي وناشفه
استمري اعجني وبتنعم معك لكن بتظل قاسيه
نشوف عجينتنا صارت ناعمه
ندهن الاناء اللي بنخمرها فيه بشوي زيت ونتركها تخمر الى ان يتضاعف حجمها تقريبا ساعه
او اكثر شوي في هالوقت لان الجو برد
بعد كذا ناخذ العجينه ونقسمها 2 او نتركها بحجمها اذا نبغاها خبزه كبيره
ندهنا بالزيت من دون ما نعيد عجنها ونتركها 10 دقائق
بعد كذا نبدأ نضغط من الوسط محاولين نفرد الوسط ونخلي الاطراف مدببه
بعد ما انتهينا من الفرد نجي على اطراف الخبز ونضغط بطرف الاصبع عشان نثبت الشكل
الحين ننقلها على صينية الخبز
هنا اختكم ما لقت الا الشوكه عشان تقلد الاوزبك
واطلقو العنان لايديكم والشوكه وسووا اللي يخطر على بالكم
يا عيني يا عيني وش رايكم بس لي جذور اوزبكيه هههههههه
نجي الحين لتشكيل الاطراف [ يوم خلصت حسيته عمود فقري لسمكه]
بطرف الاصبع الابهام والسبابه نحاول نضغط على طرف العجين بكل اليدين
يعني كانك تقبصين او تقرصين العجين
داير ما يدور على الخبزه
وتررررااااا هذه الخبزه الاوزعربيه
نتركها تخمر مدة 10 الى 15 دقيقه
ندهنها بصفار البيض المخلوط مع الحليب ونرش السمسم والحبه السوداء
وندخلها فرن ساخن ونتركها لمن تستوي
وهذه خبزتنا توها طالعه من الفرن
وهنا بعد ما قطعتها تجيك الاطراف مقرمشه والداخل هش
وهالنوع من الخبز ينفع مع الايدامات والفول والعدس
واي وصفه فيها مرق
عاد وانا ابحث بالمواقع الاجنبيه لقيت وحده مثلي ما لقت القوالب
قامت تضغط العجين بقاعدة اي فنجال او كوب يكون فيه زخرفه
وقلدتها ببيالة الشاهي
وهذا شكل الخبزه بعد ما شكلتها
وهنا بعد ما طلعت من الفرن وكانت مقرمشه شوي فردتها مره
منقول