هاذي قصيدة الشاعر محمد بن فطيس المري
بعض العرب حبه يوردك الجنون
بعض العرب حبه يوردك الجنون ………… ولا يوصف له غـلاة حكـاك لـه
مايقنعه وسط الغلا لو وش يكون ………… لو كل حرف بالحريـر يحـاك لـه
الموت جاك وهو تقلبه الضنون ………… ولا لـك إلا الصبـر وش وداك لـه
إن قلت ضايق قال هونها تهون ………… مايدري أن ضيقتك لـه وبكـاك لـه
تقعد تحبه وأنت ساكت ومغبون ………… يمكن بيـوم يقـال مـا أوفـاك لـه
وكانك مشكك هم يمون أو ما يمون ………… تخيل إن عفت الصبر فرقاك لـه
غلا ومن فوق الغلا ماهوب دون ………… حكاه سمعك يجبرك بأرخـاك لـه
ودك تحطه في العيون من العيون ………… وتبسط على رمضا الثرى يمناك له
وتظله من الشمس في ظل الجفون ………… ولا يمر أذنـه سـوى لبـاك لـه
وتسج من غيره لو أنهم يذكرون ………… ومنين ماسجت القـدم ممشـاك لـه
غرو يميله الترف ميل الغصون ………… غصنً ميال ومكرمـه باسقـاك لـه
جديله الى أقفى ستر منه المتون ………… كني بريحه لا ألتفـت لأدعـاك لـه
كيك وعسل لكن ماهو في صحون ………… ودعاك من عين الحسود غطاك له
الله لا يعطيه ناسٍ ينظـرون ………… ويستـر عليـه مـن النحـل لا ياكلـه
الوصف والتعبير في وصفه يهون ………… غير اطلب الله يستجيب دعاك لـه
وعذال قلبك في محبته يهبـون ………… سكينهـم عـن قطـع حبلـه حاكلـه
ناس عن اعراض العرب مايعرضون ………… ودايم على نفس الشكل والشاكله
الموضوع الأصلى من هنا: http://bayt.el-emarat.com/#93194#post1441533
اللي من لحـوم الاوادم ياكلـون ………… وحلوقهـم دفـع البـلاء متواكلـه
في سلمهم اولى بالاكل الأقربون ………… وأطيبهم اللي صيدته شكـواك لـه
عازمهم الشيطان للذنـب ويجـون ………… هـذا يقطـع لـه وذاك يواكلـه
ياجعلهم فدوة ثر الغض الفتون ………… اللي على الدرب الطويل خطـاك لـه
طيفه الى نام البشر زارك بهون ………… وطيفك الى نام البشـر سـراك لـه
حبه دفان ومقبرة خضر الطعون ………… بين العظـام العـوج كنـك ناكلـه
اللي كذا حبه لو تموت مغبون ………… ولا لك الا الصبر وش وداك لـه ؟!؟
ولسماعهاااا
http://www.alqsed.com/file-5114.rm
اتمنى انها تنال اعجابكم
حبي لكم
صح لسانه وصحت يدينك اللي نقلتها
دمتي
تسلمين على مرورج يا قمر
حبي لج
ابدع المري في الوصف والصياغه والمفردات..
| وتسج من غيره لو أنهم يذكرون ………… ومنين ماسجت القـدم ممشـاك لـه |
لله درك يابن فطيس
حبسيه
تستحقين تاجا غير الذي اسفل معرفك..
تاج الابداع ع الابداع والاختيار
تااج لايزن هامتك بل هو التاج نفسه يتزين بك؟؟
ودي واحترامي
وتظله من الشمس في ظل الجفون ………… ولا يمر أذنـه سـوى لبـاك لـه
رائعه دومن وابدا
قصيده تحمل الكثير من المعانى والتعبير المبدعه فسلم قائلها وناقلها لانه جعلنا نستمتع بهذا الابداع
لك كل الحبـــــــــ