في لبنان عنا اكله كتيييييييير لزيزه اسما الكبه اللبنيه اليوم رح اشرحلكن الطريقه اتفضلو معي
يلي بتحب الكبة وبدها تعملها يلى :
مقادير عجينة الكبة :
نصف كيلو لحمة مفرومة خالية من الدهن
نصف كيلو برغل ناعم وبتقدري تزيدي كمية البرغل عن اللحمة اذا بتحبي مغسول ومصفى
2 بصلة
ملح
بهار -فلفل اسود – قرفة
الحشو :
صنوبر
نصف كيلو لحمة مفرومة
بصلتين مفرومين ناعم
ملح فلفل بهارات
الطريقة:
نفرم اللحمة مرة وحدة بفرامة اللحمة
كمان نفرم البرغل مرة وحدة ونخاطون سوى ونضيف الملح -البهار القرفة -الفلفل
نقطع البصلة قطع متوسطة ونرجع نفرم الخليط سوى مع اضافة قطع البصل
صار عندك عجينة الكبة عجنيها شوي بايدك ليمتزجوا مع بعض
تحضير الحشو :
نقلي الصنوبر ونتركه على جنب
نقلي البصلة ونضفلها اللحمة والبهارات لتتقلى منيح نرفعها عن النار ونضيف الصنوبر
هلق اذا عند ماكينة الكبة يلي بطلع بواري منحط العجينة وبعدين منقطع البواري قطع متساوية ومنحطون بصينية
هلق بتقطعي كل بوري قطع متساوية بحجم قطع الكبة .
بتاخدي كل قطعة وبترققيها شوي وبتسكريها من طرف واحد وبتحشيها من الثاني وبتسكريها
والافضل يكون امامك زبدية ماء بارد وملعقة نشا لتبلى ايدك فيها .
لتخلصي كل الكمية بيكون عندك تقريبا من 60 _70 قرص
اذا بتحبي ممكن تفرزيها, ممكن تطبخيها مباشرة
تحضير اللبن :
هي كمي اللبن لتقريبا35 قرص
3علب لبن ندى
1علبة لبن ندى ماء
3ملاعق ممسوحة كورن فلاور
ملح
نضربون بالخلاط ونضعون على نار متوسطة مع التحريك المستمر ليغلي الخليط
نسقط الكبة ولازم النار قوية حتى ما يلزقوا الاقراص ببعض بس انتبهي لينحرق اللبن وتلزق الكبة , بعد ما تسقطي الكبة اتركيها على نار متوسطة 10 دقائق
بها الثناء بتكوني فارمة ربع باقة كزبرة وسنين ثوم بتقليون مع ملعقة سمنة وبتحطيون فوق اللبن وهو عم يغلي (في ناس بتحب تحط طرخون ) بس انا بشوف الكزبرة اطيب
بعدين بتسكبيها بجاط التقديم شوي شوي حتى ما تتكسر الكبة والف صحة
اذا فرزتيها اطبخيها وهي يابسة لا تفكي عنها التفريز لانه بيطرى البرغل وبيفشفش
نفس الاقراص اذا بدك تقليها
وهي النتيجه
لك كل الحبــــــــ روعه ذى الكبه واللبن بعد لما يكون شوى فيه حموضه
يعطيك العافيه اختي
تسلمين
تسلم الأيادي سمسمة
ودمتِ بخ ــير
