أزريـت ألاقـي فـي حياتـي بديلـه
ذاك السحاب اللي من الرعـد هـدار
مامرني غرو ٍ(ن) ذهيـن ٍ(ن) مثيلـه
ولا مرني مثله حكيـم ٍ(ن) وصبـار
عنـد العفـو نفسـه رحيمـه ذليلـه
وعند الخطأ ناعـم وحـازم وجبـار
عقلـه رضـا حبـي وعقلـه دليلـه
ما يحكمه قلبـه ولـو كـان محتـار
لا جيت أشوفـه برقعـه مـا يشيلـه
إلا ثوانـي قبـل يشـرع بـالأعـذار
ليتـه حلالـي وليتنـي لـه حليلـه
وليته على ضمي جري ٍ(ن) وجسـار
إن جيت أبوسه رحت فيهـا طويلـه
يزعـل ويمنـع وإيتلعثـم وينـهـار
أبو عيون ٍ(ن) ناعسات ٍ(ن) جميلـه
أطهر من عيون ٍ (ن) تجمع بالأمطار
فيـه الصفـات النـادرات النبيـلـه
صمته كثر وهرجتـه لغـز وأشعـار
لا من تكلـم لـذ لـي مـن هديلـه
ولا من تبسـم تنبـت الأرض نـوار
أبو عيون ٍ (ن) داعجات ٍ(ن) كحيلـه
سلة صقيل ٍ(ن) يسلب الـروح بتـار
له حاجب ٍ(ن) دونه رموش ٍ(ن) ظليله
يعقد لسان اللي مـن النـاس ثرثـار
ومبسه توت ٍ(ن) جمرتينـه عسيلـه
يمسي بها الضامي من الصبح سكـار
وله وجنتين ٍ(ن) بين سمن ونحيلـه
وغمازيتيـنـه دار مـــا دار دوار
هذي الوصايف فـي الحقيقـه قليلـه
ومن مثلها ما هقوتـي يدخـل النـار
الموضوع الأصلى من هنا: http://bayt.el-emarat.com/#104748#post1584658
وسلامتكم جميع
صح لسانك يسلموووووووووووو
معنى الصمت يعطيك ألف عافية ع المرور
تقبل تحياتي ،،،،
صح لسااااااانك
هلا وغلا شجووووووووووووووووووووووووووووون ما نسيتك
شكرا لمرورك طيوش ، نورت صفحتي