صباحكم/مساءكم جوري
هــلا وغـــــلا بــأحــلى أعضــاء
كيفكم يارب تكونوا بخـــــير
الموضوع الأصلى من هنا: http://bayt.el-emarat.com/#146496#post1919696
علشان كده هنتكلم مع بعض النهارده عن الحاجات الغلط اللي ممكن إنها تسبب المشكلة دي وهنعرف مع بعض كمان إزاي نقدر نتغلب عليها..
أسباب هبوط الكيك في الفرن:
هبوط الكيك في الفرن وعدم ارتفاعه قد يكون له أكثر من سبب، ومنها..
– أن درجة حرارة الفرن اللي بتسوي فيها الكيكة مش نفس درجة الحرارة اللي ذكرت بالوصفة.
– أنك تفتحي باب الفرن على الكيك قبل ما يستوي.
– أن كمية الدقيق اللي بتستخدميها تكون غير معايرة بدقة ويفضل مُعايرة الدقيق باستخدام الكوب المدرج، وكمان خلي بالك إنك ما تضغطيش على معيار الدقيق بإيدك أثناء معايرته لأن بكده إنتي ممكن تستخدمي كمية دقيق أكتر من المكتوبة في الوصفة.
نصائح لتجنب المشكلة:
ودي بعض النصائح اللي بيقدمها الشيف "أسامة السيد" لتجنب المشكلة دي..
1- يُفضل فصل البياض عن الصفار، وخفق البياض لوحده لغاية ما يبقى زي الكريمة وحجمه يزيد، وبعد كده تضيفيه على المكونات التانية.
2- اضربي البيض مع السكر لمدة خمس دقائق على الأقل.
3- لما تجهزي العجينة وتيجي تصبيها في الصينية يفضل إنك تصبيها بشكل متواصل.
4- اتركي الخليط جانباً لمدة عشر ثوان؛ فإذا لم يُحافظ على شكله، اضربيه مرة تانية.
5- انخلي المحتويات الجافة زي الدقيق والبيكينج باودر، ولما تيجي تضيفيها لخليط البيض تُضاف تدريجياً وليس دفعة واحدة.
6- تُدمج المحتويات الجافة جيداً بالتقليب المستمر مع رفع الخليط وإنزاله مرات متكررة.
7- يُراعى تسخين الفرن لدرجة الحرارة المذكورة في الوصفة قبل وضع الكيك في الفرن.