ثانيا نزولا عند رغبة الاخت دانه والاخ مملوح ساقوم باكمال المسابقه لاكبر زاحفه ومهستر بالخليج
اتمنى من الجميع التصويت
نص الاخت دانه
مرررررررحباااا ويااااااااهلا هذا نحن رجعنا لكمممم وجبنااا سويلفاااتكم
ونبيكم تصووتون للسالووفه الي تعجبكم فوق وتحت اووكي اتفقناااا ما تجوني الحين وانتو ما صوتو
يعني شرروط التصويت كالتالي
1- مشاركات الي يصوت لازم تكون فوق الخمسين الي تحت الخمسين ما نقبل تصويته
2- لازم الي يصوت يكتب اختياره تحت وبعدين يصووت فوق رجاءً لا تنسون
يله مااا طوول عليكم بسم الله نبدأ
السالووفه الأولى::::
اناو المديـره
في شتاء 2024 م …
و قعت مجريات هذه القصة ….
الله يسلمكم من قوانين مدرستنـا اللي تهضم حقوق الإنسان …
إن لبس (( جاكيت أحمر / ماروني / اصفر )) ممنووووووووووع …
عاد أنـا أختي كانت يايبه لي جاكيت ماروني من إيرلندا …
و كان رووووووووووعه لأنه دافي و شاموا …
المهم ،،،
كشخت فيه ذاك اليوم و رحت المدرسة ….
قبل الطابور :
بنات الصف : انتي بتزفج المديره على الجاكيت …
انا : ما عليكم انتوا
بنات الصف : بس إنتي في المرشدات و عندج تحية العلم
انا : اليوم (( أووووووف ))
كـلنــا : ههههههههههههههههههههههههههه
بعد الطابور :
انتي انتي قومي باروح آشرب مـاي …
طبقيتو : فصخي الجاكيت ، بنمر جدام الإدارة ألحيـن …
انا : و لا همني من حمّل قشه ، قومي بسرعه قبل لا تبتدي الحصة الأولى …
بداية الحصة الأولى استأذنت من معلمة الرياضيات عشان آروح آقدم اختبار فيـز (( قوه و حركه )) …
رحت الاختبار وقدمته و عطتني المعلمه الدرجه حزتها و كنت محصله 5/5
أنا و صديقتي الله يرحمها طلعنـا من الاختبار :
طبقووووو : نمبرووو خلّ نروح الكانتين !!
انا : لا لا باحضر حق (( نزوهه )) ، من قديم ما حضرت لها <<< يزعم مواظبه
طبقووووو : بتطلعين فيها في الـ 5 دقايق الباقيين ؟؟
انا : وي <<< إي بالفرنسي
رحنـا الصف و طقينا الباب و آجوف البنات ياشرون عليّ …
قعدت آضحك لهم و آشر عليهم بعد
دشيت إلا :
معلمه نزوهه :انتي و شفيش جايه متأخره <<< و هي تسوي بعينها جذي k10
انا : معلمه مستأذنه من الصبح ،، نسيتي ؟؟
معلمه نزوهه : لا لا … بس اقعدي على كرسي رولايو لنها قاعده مكانش …
انا : إن شـاء الله …
كان كرسيي الثاني ، و كرسي رولايو آخر وحده في الصف …
توني مجندسه آخذ أغراضي عشان آروح ورى إلا :
_ _ _ _ _ _ : من دي اللي لابسه جاكيت ماروني ؟؟
رفعت عيني جهة الصوت اللي كل صبحية آسمعه إلا جناب المديره حاضره لمعلمه نزهه حصة
انا : أنـا أستاذه <<< بكل فخر kK،4
مديرووو : و إنتي ما تعرفين القوانين ؟؟
يلا افصخيه
انا : ما يصير مديره آبقى فيه للهده ، اليوم وايد برد !!! <<< بكل براءه
مديرووو : قتليش افصخيه قبل لا اشققه عليش
الموضوع الأصلى من هنا: http://bayt.el-emarat.com/#21703#post206982
انا : ورى من مكدتج تشققينه (( في قلبي طبعاً ))
الموضوع الأصلى من هنا: http://bayt.el-emarat.com/#showthread.php?p=206982
قعدت آفصخه و أنــا أوزع حق البنات kK،4…
إلا ………………
مديرووو : يالغبيه …
انا:
انا هني تعوذت من إبليس و عضيت على ضروسي لأن أنـا غلطانه الصراحه k10
رحت ورى عطيتها الجاكيت ، إلا مساعدة المديرة تقول لي أعتذري منها بنهاية الحصة ..
قلت لها إن شـاء الله …
و أول ما كملت الحصة قاموا و رحت وراها عشان آعتذر منها …
في وسط المربع اللي تطل عليه كل صفوف التجاري ناديت المديرة و وقفت لي و ………………….
انا : استاذة أنا آسفه لأني ما اتبعت القوانين <<< بس بحيـا طبعاً
مديرووو : و أنا وش اسوي بآسفه ؟؟
فلاف سنين آقول ليكم لا تلبسون جاكيت أحمر أو اصفر …
و تجين على آخر سنه ليش تلبسين …
عجل بنات المستوى الأول ما ينلامون إدا لبسوا !!
انا : آسفه ،، آخر مره أستاذه …
مديرووو : وش آسوي بآسفه دي
هاده معناته شي واحد بس …
فلاف سنين آتحجى …
و إتين تلبسين احمر …
يـا أنـا هبله او إنتين هبله <<<wkh2 أنا سويت جذي
مديرووو : يلا يا هانم ،،، من فينـا الهبله
انا : أنــا و إنتي هبلان
و مشيت عنها …
و هي تمت تنادي (( تعالى ، قتليش تعالي ))
و أنا بن عمك اصمخ و واصله حدي من اسلوبها معـاي …
دخلت الصف إلا ………
بنات الصف : هي هي هي
وووووووووووووو … وووووووووووووووووووو
و يمدون يدهم لي <<< حسيت كإني أندر تيكر و الكل يبي يلمسني shkshk
إلا معلمه نزوهه : انتي جيفه تقولين للمديره هجدي
هادي فيها فصل
انا : انا اعتذرت منها و هي غلطت عليّ …
لا تتوقعني بارضى آسكت عنها …
الحصة الثانية :
طق طق طق …. معلمه وين الطالبهالي غلطت على المديره !!
المشرفه تبيها …
مشيت و كلي ثقه ، لإني متأكده إن الغلط راكب المديره قبل ما يركبني
رحت المشرفه و هي كانت حدددددها أوكي معاي …
المشرفة : يابنت، غربل الله إبليسج
شلون تقولين حق المديره جذي ؟؟
انا : أنا كلمتها بأدب و هي اللي يابت السالفه حق عمرها << واثقه
المشرفة: أنا قلت لها ماله داعي الـ (( الفصل ))
بس إنتي روحي لها وقت تكون هاديه فيه و اعتذري منها …
انا : إن شـاء الله <<< في عيد البش آروح آعتذر (( في قلبي ))
الحصة الأخيـرة :
انا : أنا باروح الكانتين قبل لا آروح حق المديره ، تبون شي ؟
بنات الصف : إي إي …
انا : يهد …
ما تفوتون شي …
عطوني لسته بالأغراض ….
انا : لين يات مدرسة الجيو قولوا لها رايحه عند المديره
بنات الصف : أوكي …
اعتمدي
رحت الكانتين و شريت الـ (( المؤونه )) و خشيتهم في لوكري عقب رحت حق المديره …
طق طق طق …
انا : السلام عليكم …
مديرووو : عليكم السلام
اناو : يايه آخذ جاكيتي <<< بكل جرأه
انا : اكو هناك روحي اخديه …
و مره فانيه ما امبا اجوفه عليش فاهمه …
انا : إن شـاء الله …
و بسسسسسسسسسسسسسسسس …
رديت المختبـر و البنات كلهم مبحلقين فيني و الجاكيت عليّ
** ملاحظه :
اللي كان مقوي شوكتي إن المديره ما تقدر تفصلني ، لأن لو فصلتني و اشتكيت عليها هي اللي بتتسجل عليها بوينت في الوزاره
في نفس الوقت أنـا ندمانه شوي إني قلت لها إنها هبله …
بس هي طلعتني من طوري لأن أول مره قالت لي غبيه و سكت عقب لحقتها بهبله … و أنا أكره ما عندي إني أنوصف بصفات جذي
السااااااالوفه الثانيه
قصة مع استاذ الرياضيات المصري
مرتن من المرات او من المراريت و في رواية اخرى من المراتين
كنت جالسن في حصة الرياضيات اكل فصفص و اتفل على السوري الي قدامي و استاذ الرياضايات يقول اكتبو و انا ما اكتب معتمد على دفتر احمد حازم اني ازرف دفتره اخر يوم بالسنة و كان عندنا حصة هندسة و هو يقول ارسمو رسم دقيق وانا اذب ذيك الذبة و اقول دقيق و لا خبز
و طبعا ولاد الفصل ما قصرو الله يجزاهم الخير انواع الظحك و الاستاذ انقهر قال لي ياولد..انا كنت لابس الشماغ و ما سمعته و بعد دقيقة و انا افكر في خوية درب عمري و حبيبتي و الي ما عمري انساها و هي احسن امرأة على وجه البشرية الي هي امي افكر اش تطبخ اليوم و ما القى غير كف جاني في حركة كهرو مغناطيسية على الرقبة و انا اقوم بظرب الي عطاني الكف و اقول : (( من ابن الكلب الي … )) والقى الاستاذ الي عطاني الكف و احاول اقنعه اني ما اقصده لكن ابدا كان سالخن له صحن فول على الصبح و مقفلة معاه و قال لي يلا على المدير و طبعا دخلت على المدير و قلت له السالفة و جلسنا نظحك و نذب لين تعبنا من الظحك و فجأة (( انت يا كلب شايفني العب معك بالشارع تظحك و تلعب معي )) المدير عصب كان ناسي اني انا طالب و اعطاني استدعاء ولي امر و قال لي لا تدخل المدرسة الا و ولي الامر معك و ابوي قال لي مو بجاي و رحت ثاني يوم لقيته فاتح لي برج مراقبة على الباب و يقول لي وين ابوك ؟ و انا اقول له يلبق السيارة دقيقة و جاي و قال لي طيب خلاص انت روح لفصلك و انا ادخل و بعد خمس دقايق جا المدير قال وين والدك ؟؟؟ انا لساني انعقد و بطلت اتكلم
اخذني معاه و قال لي فصل تاديبي 3 ايام و كان يوم الربوع يعني
مع الفصل او بدون الفصل انا معطل معطل يلعن ام الحالة و هاذي كانت نهاية قصتي مع مدير المدرسة .
ملاحظة : – احمد حازم = ادفر ولد اشوفه بحياتي معدله ما ينزل عن المية
تراها قصة حقيقة و مو من نسج الخيال
ماعليكم الا التصويت لما ينال اعجابكم
تحيات
[blink]دانه ومملوووووووح[/blink]
كل الود
علمي وشيطانة؟!
هههههههههه.. والله عجيبة…
اصوت لج (لووووووووول)…
.
.
تحياتي…
زهرة البنفسج
يااحلوك قصدك صاحبة السالوفه الاولىىى خخخخخخخخخخخ
وشدخل دنو ياازهره
يسعدلي قلبك
كل الود
يعطيكم العافيه دانا ،، مملوح ،، الجليديه
تحياتي لكم
وبعد
الأخ مملوح والأخت دانة
رائعين بماتحملة الكلمة حقا رائعين
عن جد عند قرأئة أحد مواقفهما هنا بقسم الهسترة
على الفور أتبسم لروعة مقالهما
فقد أثبتا انهما زاحفين صح
واتحدى ان يجاريهما أحد خاصة الأخ مملوح
وكانا مثلا للأخلاق والعمل الجاد خلال توليهما الإشراف
على الهسترة
فقد خسرنا منبع الوناسة والهسترة
الأخ مملوح
فقد يكاد لايعرف الجدية بالمرة
لطيبة قلبة
لهما مني أجمل وداع
أما من جهة التصويت فكلا النصين
جميل
لذا أعتذر عن التصويت الجدي
ويكون صوتي اللفظي
لمشرفي الهسترة سابقا
دانة ومملوح