يالعنود ممكن بريدك؟؟

ما كنت اظن قلبي يريدك لين شفت نبض روحي يمشي بوريدك
يناديك اخذي ايدي وهاتي ايدك الفرح عيد خالد وعيدك
يا العنود ممكن بريدك؟
ابغي قديم اشعاري يحتفل بجديد قصيدك
هذا قديمي علميني وشهو جديدك؟
علميني منهو غيري يقدر يكون تاج قلبك وسيدك؟
علميني منهو غيري يقدر يكون امك ابوك اخوك حبيبك عضيدك
علميني منهو غيري يقدر يبعثرك اوراق ويعيدك؟
علميني منهو غيري يقدر يحيك ومن على وجه التاريخ يرجع يبيدك؟

علميني منهو غيري تقدرين تعطينه بريدك؟
يا العنود ممكن بريدك؟
تدرين ابي صومي ما يفطر الا على لقمة ثريدك
وأبغي نومي ما يغفى الا على صوت تغريدك
وابغي بعد اكون حارس المرمى…اللي ينتظر بشوق
لحظة للعشق تسديدك

تدرين ابغي اكون عصاك وخيزرانك وجريدك
وابغي اكون ماسك ونحاسك وحديدك
وابغي اكون حيك وميتك وفقيدك
وابغي اكون كبيرك وصغيرك وحفيدك

وابغي اكون حرك وكيفك وعنيدك
وابغي اكون نديمك وقريبك وبعيدك
وابغي اكون اهك وأفك وتنهيدك
وأبغي اكون كل شي وأي شي ما ينقصك لكن يزيدك
وابغي اكون كل شي وأي شي مايضرك لكنه يفيدك
الصراحة ما عندي مانع اكون سيد عبيدك
ها شرايك ذا الحين؟ ممكن بريدك؟
تسأليني وشهي عليك حدود خوفي؟
طيب شوفي
خايف عليكي وأنتي ماشية في بستان
ولابسة على اجمل قوام احلى فستان

خايف حزتها من الورد لا يجرح الرمان؟
شوفي وشهي عليك حدود خوفي
خايف عليكي وأنتي واقفة قدام المرايا
تحاكينها عن نفسك وانك من احلى الصبايا
خايف لا تنكسر غيرة منك وتنثر في نسيم جوك شظايا
شوفي وشهي عليك حدود خوفي
خايف عليك وأنتي بين صديقاتك فرحانة وتضحكين
خايف يمر طيفي على بالك وتذكرين احلى سنين وتدمعين
تصدقين بديت ادمع
صحيح ان الفراق يوجع

شوفي وشهي عليك حدود خوفي
خايف من شي يسمونه السهر يعرف طريقه لعيونك
وخايف من شي يسمونه القهر يوصل لأعلى من متونك
وخايف من شي يسمونه الغدر احصله مخشوش من ورى ضحكة سنونك
وخايف من شي يسمونه الهجر يجيه يوم ويصير من دونك
وانا كلي من دونك
وحبي اكيد من دونك
وعشقي
وشوقي
وفجري
وليلي
ووقتي
وعمري
وسنيني
وفرحي
وجرحي
وحزني
ومزحي
وضحكي
وجدي
ونبضي
وقلبي
وروحي
يقسمون بالله العظيم
انهم يبونك
انهم يفدونك
انهم يخلونك نايمة ويباتون ليلهم يحرسونك
يا العنود ممكن بريدك؟
اه منهو قدها
ويقدر يلمس قدها
ويكسر عني صدها
ويكسب ربع ودها
ويوقفها عند حدها