فزعتكم يابنات الرياض

الله يعافيكم ابي ارقام كوفيرات يجون بالبيت مالي خلق حوسة المشاغل وابي محلات حلويات وفطاير حلوه وشكلها حلو ابي شي يبيض الوجهه تكفون تخبرون زواج اختي قرب ونبي شي يبيض الوجهه وبي وقفتكم معي لاتنسوني والله يوفقكم يارب

حشى مابه احد من الرياض هاه ماتخبرون احد منى مناك تكفووووووووووووووون وابي ناس مجربينهم الله يستر عليكم
لاوبي بعد وحده حقت ديجه والله طلباتي واجد معلشي
ربي يتمم لكم على خير

بس يآغاليه اسئلي اقاربكم منا منا

لو كنتي بالحجاز كان جهزت لكِ الكوافيرهـ لعنونك

بعدين اشياء تبيض و و و لاتاخذين من هنا اسألي كوافيرات ناس خاصه بالبشرهـ

اصحي تغلطي وتاخذي اي شي الا البشرهـ لازم اهتمام ومن ناس خبرهـ

وينكم يابنات الرياض تعالوآ افيدوها ربي يحفظكم

هلا وغلا بحبيبتك بنتك

والف مبرووك زواج اختك الله يتمم لكم على خير

بالنسبه لمحلات الحلويات

انا جربت 3 محلات والصراحه 2 منهم لا يعلى عليهم

1_ ملك الحلويات الكنافه بانواعها عندهم شي مو صاحي تهبل مره مره

2_ حلويات سعد الدين وهذي عاد لا يعلى عليها حلويات مناسبات وافراح وحقلات نجاح وسعره غالي حبه لكن يستاهل

3- حلويات سنابل السلام هذي حلوه ماعليها بس ما ترقى لسعد الدين

بالنسبه لكوافيره تجي البيت والله ما اعرف

انا اعرف وحده تروح لمشغل نصف القمر وتمدح شغلهم اذا تبين دقي عالمشغل وشوفي يمكن فيه خدمة الكوافيرات الي يطلعون للبيوت

انا جربت مركز الملتقى لما قصيت شعري الصراحه روووعه
بس غالي حبتين

اذا تبين اعطيك الرقم لان الكرت عندي

الدي جي والله ما اعرف

بس راح اسالك واذا احد رد عليه ابشري لاعطيك خبر

بالتوفيق لك

أضف تعليق

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.